തദ്ദേശ സ്ഥാപനങ്ങളിലെ... ഓൺലൈനുകളൊക്കെ 'ഓഫാ'കുന്നു, ദുരിതം

ചാ​ത്ത​ന്നൂർ: ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങ​ളി​ലും റ​വ​ന്യു വ​കു​പ്പി​ലും സേ​വ​ന​ങ്ങൾ വേ​ഗ​ത്തി​ലും സു​താ​ര്യ​വു​മാ​ക്കാൻ ഏർപ്പെടുത്തിയ ഓൺലൈൻ സംവിധാനങ്ങൾ പ്രയോജനപ്പെടുന്നില്ലെന്ന് പരാതി. 'സേ​വ​ന​ങ്ങൾ വി​രൽ​ത്തു​മ്പിൽ' എ​ന്നതായിരുന്നു പ്രഖ്യാപനമെങ്കിലും പേനയും കടലാസുമായി കയറിയിറങ്ങണമെന്നാണ് അവസ്ഥ.

ഓൺ​ലൈൻ അ​പേ​ക്ഷ സ​മർ​പ്പിച്ചാലും തു​ടർ​ന​ട​പ​ടി​കൾ അ​റി​യാൻ ഓ​ഫീ​സു​ക​ളെ ആ​ശ്ര​യി​ക്കണം. അ​പേ​ക്ഷ​ക​ളി​ലെ ചെ​റി​യ പി​ഴ​വു​കൾ തി​രുത്താ​നും ആ​വ​ശ്യ​മാ​യ രേ​ഖ​കൾ സ​മർ​പ്പി​ക്കാനും പ​ല​ത​വ​ണ ഓ​ഫീ​സി​ലെ​ത്തേ​ണ്ട സാ​ഹ​ച​ര്യ​മു​ണ്ട്. ഇന്റർ​നെ​റ്റ് സൗ​ക​ര്യ​ങ്ങൾ പ​രി​മി​ത​മാ​യ ഗ്രാ​മീ​ണ മേ​ഖ​ല​യി​ലു​ള്ള​വർ​ക്കും സാ​ങ്കേ​തി​ക പ​രി​ജ്ഞാ​ന​മി​ല്ലാ​ത്ത സാ​ധാ​ര​ണ​ക്കാർ​ക്കു​മാ​ണ് ഏ​റ്റ​വും വ​ലി​യ തി​രി​ച്ച​ടി​യുണ്ടാകുന്നത്.

റ​വ​ന്യു വ​കു​പ്പിൽ ഭൂ​നി​കു​തി അ​ട​യ്ക്കാ​നു​ള്ള കാ​ല​താ​മ​സം, പോ​ക്കു​വ​ര​വ് ന​ട​പ​ടി​ക​ളി​ലെ താ​മ​സം, വി​ദ്യാ​ഭ്യാ​സ ആ​വ​ശ്യ​ങ്ങൾ​ക്കു​ള്ള വി​വി​ധ സർ​ട്ടി​ഫി​ക്ക​റ്റു​കൾ ല​ഭി​ക്കു​ന്ന​തി​ലെ ബു​ദ്ധി​മു​ട്ടു​കൾ, ഡി​ജി​റ്റൽ സർ​വേ​യും എ​ന്റെ ഭൂ​മി പോർ​ട്ട​ലു​മാ​യി ബ​ന്ധ​പ്പെ​ട്ട പ​രാ​തി​കൾ എന്നി​വയാണ് ഉ​യ​രു​ന്ന​ത്. ത​ദ്ദേ​ശ സ്വ​യം​ഭ​ര​ണ ​സ്ഥാ​പ​ന​ങ്ങ​ളിൽ പൊ​തു​ജ​ന​ങ്ങൾ​ക്ക് ആ​വ​ശ്യ​മാ​യ അ​ടി​സ്ഥാ​ന​ കാര്യങ്ങൾക്കായി​ ഗ്രാ​മ​പ​ഞ്ചാ​യ​ത്ത്​ അം​ഗ​ങ്ങ​ളു​ടെ പി​ന്നാലെ നടക്കേണ്ട അവസ്ഥയുണ്ട്. ഫ്രണ്ട് ഓഫീസ് പ്രവർത്തനം അവതാളത്തി​ലായതാണ് ഇതി​നു കാരണം. അ​പേ​ക്ഷ​ക​ളു​ടെ നി​ല​വി​ലെ സ്ഥി​തി അ​റി​യു​ന്ന​തി​നും വി​വി​ധ ആ​വ​ശ്യ​ങ്ങൾ​ക്കുമായി​ ബ​ന്ധ​പ്പെ​ട്ട ഉദ്യോ​ഗ​സ്ഥ​രെ ക​ണ്ടെത്താ​നും പൊ​തു​ജ​ന​ങ്ങൾ വലയുന്നു.

ഓൺ​ലൈൻ സേ​വ​ന​ങ്ങൾ ന​ട​പ്പാ​ക്കു​ന്ന​തോ​ടൊ​പ്പം അ​വ കാ​ര്യ​ക്ഷ​മ​മാ​യി പ്ര​വർ​ത്തി​ക്കു​ന്നു​ണ്ടെ​ന്ന് ഉ​റ​പ്പാ​ക്കേ​ണ്ട ഉ​ത്ത​ര​വാ​ദിത്തവും ഭ​ര​ണ​ സം​വി​ധാ​ന​ത്തി​നു​ണ്ട്. അ​പേ​ക്ഷ​കൾ സ​മ​യ​ബ​ന്ധി​ത​മാ​യി തീർ​പ്പാ​ക്കു​ക, പൊ​തു​ജ​ന​ങ്ങൾ​ക്ക് വ്യ​ക്ത​മാ​യ നിർ​ദേ​ശ​ങ്ങൾ നൽ​കു​ക, ഓ​ഫീ​സു​ക​ളിൽ സ​ഹാ​യ​കേ​ന്ദ്ര​ങ്ങൾ കാ​ര്യ​ക്ഷ​മ​മാ​ക്കു​ക എന്നി​വർയി​ൽ അധി​കൃതർ വേണ്ടത്ര ജാഗ്രത കാട്ടുന്നി​ല്ലെന്നാണ് പരാതി​.

എന്തിനും ഏതിനും കാലതാമസം

 റ​വ​ന്യു വ​കു​പ്പു​മാ​യി ഓൺ​ലൈൻ സം​വി​ധാ​നം വ​ഴി ഭൂ​നി​കു​തി അ​ട​യ്​ക്കു​ന്ന​തി​ലും പോ​ക്കു​വ​ര​വ് പൂർ​ത്തി​യാ​ക്കു​ന്ന​തി​ലും വ​ലി​യ കാ​ല​താ​മ​സം

 ഡി​ജി​റ്റൽ സർ​വേ​യു​മാ​യി ബ​ന്ധ​പ്പെ​ട്ട പ​രാ​തി​ക​ളും 'എ​ന്റെ ഭൂ​മി' പോർ​ട്ട​ലി​ലെ സാ​ങ്കേ​തി​ക ത​ക​രാ​റു​ക​ളും വ​സ്​തു ഉ​ട​മ​ക​ളെ വ​ല​യ്​ക്കു​ന്നു

 വി​ദ്യാർ​ഥി​കൾ​ക്ക് ആ​വ​ശ്യ​മാ​യ വി​വി​ധ സാ​ക്ഷ്യ​പ​ത്ര​ങ്ങൾ സ​മ​യ​ബ​ന്ധി​ത​മാ​യി ല​ഭി​ക്കാ​ത്ത​ത് ഉ​പ​രി​പഠ​ന​ത്തെ​ ബാ​ധി​ക്കു​ന്നു

 പൊ​തു​ജ​ന​ങ്ങ​ളെ സ​ഹാ​യി​ക്കാൻ വി​വി​ധ ഓ​ഫീ​സു​ക​ളിൽ ആ​രം​ഭി​ച്ച ഫ്ര​ണ്ട് ഓ​ഫീ​സ് സം​വി​ധാ​ന​ങ്ങൾ പലേ​ട​ത്തും പേ​രി​നു മാ​ത്ര​മാ​ണ് പ്ര​വർ​ത്തി​ക്കു​ന്ന​ത്. അ​പേ​ക്ഷ​ക​ളു​ടെ ഇ​പ്പോ​ഴ​ത്തെ സ്ഥി​തി അ​റി​യാ​ൻ ഫ്ര​ണ്ട് ഓ​ഫീ​സ് സം​വി​ധാ​ന​ത്തി​ലൂടെ ക​ഴി​യു​ന്നി​ല്ല

 അ​പേ​ക്ഷ​ക​ളിൽ സ​മ​യ​ബ​ന്ധി​ത​മാ​യി തീർ​പ്പു​കൽ​പ്പിക്കൽ നടക്കുന്നില്ല

 സം​ശ​യ​നി​വാ​ര​ണ​ത്തി​ന് വ്യ​ക്ത​മാ​യ നിർ​ദേ​ശ​ങ്ങ​ളും ഹെൽ​പ്പ് ലൈൻ സം​വി​ധാ​ന​ങ്ങ​ളും വേണം