തൊമ്മൻകുത്ത് വെള്ളച്ചാട്ടത്തിനരികെ കൂട്ടത്തോടെയെത്തിയ നാട്ടുകുടുക്ക ശലഭങ്ങൾ. നീലവിറവാലൻ എന്നും ഇവ അറിയപ്പെടുന്നു. വളരെ വേഗത്തിൽ പറക്കുന്ന സ്വഭാവക്കാരാണ് ഇവർ. ആൺശലഭങ്ങൾ നനഞ്ഞ മണ്ണിലോ പുഴക്കരയിലോ കൂട്ടമായി ഇരുന്ന് ലവണങ്ങൾ ഉണ്ണുന്നത് (മഡ് പഡ്ലിങ് ) കേരളത്തിൽ സാധാരണയായി കാണാറുള്ള കാഴ്ച്ചയാണ്.

അലക്കുകടയൊരുക്കി...തൃശൂർ റെയിൽവേ സ്റ്റേഷനു സമീപത്തെ ജംഗ്ഷനിലെ ഡിവൈഡറിലേ ഹാൻഡ് റയലിന് മുകളിൽ തുണികൾ അലക്കി ഉണക്കാനായി വിരിച്ചിട്ടപ്പോൾ

വിളകളുടെ സംരക്ഷണത്തിനായി നെൽപ്പാടത്ത് മരുന്നുതളിക്കുന്ന കർഷകൻ. കുറ്റൂർ പാടശേഖരത്തിൽ നിന്നുമുള്ള ചിത്രം

ജസ്റ്റ് റിമെമ്പർ...ശബരിമല മണ്ഡലകാല തയാറെടുപ്പുകൾ വിലയിരുത്തുവാൻ കോട്ടയം റെയിൽവേ സ്റ്റേഷനിൽ എത്തിയ കേന്ദ്ര സഹമന്ത്രി സുരേഷ് ഗോപി റെയിൽവേ ജീവനക്കാർക്ക് നിർദ്ദേശങ്ങൾ നൽകിയപ്പോൾ.

പപ്പായപ്പഴം കഴിക്കുന്ന പച്ചിലക്കുടുക്ക.കോട്ടയം നട്ടാശ്ശേരിയിൽ നിന്നുള്ള കാഴ്ച

ട്രാപ്പിലായ ട്രാക്കിൽ... ചാമ്പ്യൻസ് ബോട്ട് ലീഗിൻ്റെ ഭാഗമായുള്ള കോട്ടയം താഴത്തങ്ങാടി വള്ളം കളിയിൽ വെപ്പ് ബി ഗ്രേഡ് വള്ളങ്ങളുടെ ഫൈനൽ മത്സരത്തിൽ ഒന്നാമതായി കുതിച്ച ചുങ്കം വി വൺ ക്ലബ്ബിൻറെ പുന്നത്രപ്പുരക്കൻ വള്ളത്തിൻ്റെ ട്രാക്കിലേക്ക് അശ്രദ്ധമായി കയറിവന്ന ചെറുവള്ളക്കാരനെ വള്ളം ഇടിച്ചപ്പോൾ. ഇതോടെ ഇല്ലിക്കൽ ബോട്ട് ക്ലബ്ബിൻറെ ചാമ്പ്യൻ വള്ളം ഒന്നാമതായി ഫിനിഷ് ചെയ്തു.

തൊടുപുഴ അഞ്ചിരിയിലെ പാടത്ത് കൂട്ടത്തോടെ ഇരതേടിയെത്തിയ അരിവാൾ കൊക്കൻ. ഏഷ്യൻ രാജ്യങ്ങളിൽ കാണപ്പെടുന്ന പക്ഷിവർഗ്ഗമാണ് ഇവ. ഈർപ്പമുള്ള പ്രദേശങ്ങൾ, വയലുകൾ, തണ്ണീർത്തടങ്ങൾ, പുഴയോരങ്ങൾ എന്നിവിടങ്ങളിൽ ഇവയെ കാണാം. ആവാസവ്യവസ്ഥകളുടെ നാശം മൂലം ഐ.യു.സി.എൻ റെഡ് ലിസ്റ്റിൽ ഉൾപ്പെടെ ഇവ പരിഗണന അർഹിക്കുന്ന പക്ഷികളാണ്.

ബുദ്ധിയാണ് മെയിൻ... റോഡ് നിർമ്മാണത്തിനായി കൊണ്ടുവന്നിട്ടുള്ള അർബാനയിൽ ഒഴിവ് സമയത്ത് വിശ്രമിക്കുന്ന തൊഴിലാളികൾ. തൃശൂർ നഗരത്തിൽ നിന്നുള്ള ചിത്രം

മഴയൊരുക്കം... മാനത്ത് മഴക്കാറ് തിങ്ങിനിൽക്കുന്ന ചിത്രം വടക്കുംനാഥ ക്ഷേത്രത്തിന്റെ പശ്ചാത്തലത്തിൽ മൊബൈലിൽ പകർത്തുന്ന പെൺകുട്ടികൾ.

ലയൺസ് ക്ലബ്ബ് ഓഫ് കോട്ടയം സെൻട്രൽ, സി.എം.എസ് കോളേജ്, കോട്ടയം നഗരസഭ, ഇസാറാ ഐ ഹോസ്പിറ്റൽ, കേരള ഫെഡറേഷൻ ഓഫ് ദി ബ്ലൈൻഡ് എന്നിവരുടെ സംയുക്ത ആഭിമുഖ്യത്തിൽ കോട്ടയം തിരുനക്കരയിൽ സംഘടിപ്പിച്ച 'ബിയോണ്ട് വോക്ക്' ബ്ലൈൻഡ് ഫോൾഡഡ് വാക്കത്തോണിൽ കണ്ണ് മൂടിക്കെട്ടി വടിയുമായി നടക്കാനൊരുങ്ങുന്ന വിദ്യാർത്ഥികളെ കണ്ട് ചിരിയടക്കാനാവാതെ കാഴ്ച പരിമിതിയുള്ള ഗീതാമ്മ.

കണ്ണൂർ ജില്ല ഇൻക്ലൂസീവ് ഗെയിംസിന്റെ ഭാഗമായി നടന്ന ബോച്ചേ സംസ്ഥാന തലത്തിലേക്കുള്ള സെലക്ഷൻ മത്സരത്തിൽ പങ്കെടുത്ത മത്സരാർത്ഥിയുടെ വിവിധ ഭാവങ്ങൾ.

കോഴിക്കോട് വെള്ളയിൽ ഹ്യുമാനിറ്റി ലെെഫ് കെയർ ഹോമിൽ നടന്ന ജില്ലാ സ്പെഷ്യൽ സ്കൂൾ കലോത്സവത്തിൽ ജൂനിയർ വിഭാഗം സംഘഗാനത്തിലും സീനിയർ ലളിതഗാനത്തിലും ഒന്നാം സ്ഥാനം നേടിയ പുറക്കാട് ശാന്തി സദനം ഡിഫറൻഡിലി ഏബിൽഡ് സ്കൂളിലെ കുട്ടികളുടെ വിജയാഹ്ലാദം.

കോഴിക്കോട് നരിക്കുനി പെയിൻ ആൻഡ് പാലിയേറ്റീവ് കെയർ സെന്ററായ അത്താണിയുടെ ഇരുപതാം വാർഷികാഘോഷത്തിന്റെ ഭാഗമായി അന്തേവാസികളെ കോഴിക്കോട് ബീച്ചിൽ എത്തിച്ചപ്പോൾ അലതല്ലിയ തിരമാല ആസ്വദിക്കുന്ന ഹേമലത.

പാലായിൽ നടന്ന സി.പി.ഐ.എം വിപുലീകൃത കോട്ടയം ജില്ലാ കമ്മിറ്റി യോഗത്തിനിടെ കറൻ്റ് പോയപ്പോൾ വേദിയിലിരുന്ന് മൊബൈൽ ഫ്ലാഷ് വെളിച്ചം കാണിക്കുന്ന സംസ്ഥാന സെക്രട്ടറിയേറ്റ് അംഗം സജി ചെറിയാൻ, സെക്രട്ടറിയേറ്റ് അംഗങ്ങളായ പി. ജയരാജൻ,എം.വി ജയരാജൻ,കേന്ദ്ര കമ്മിറ്റി അംഗങ്ങളായ പി.രാജീവ്, ഡോ. ടി.എം തോമസ് ഐസക്,പോളിറ്റ് ബ്യൂറോ അംഗം ടി.ആർ രഘുനാഥൻ, സെക്രട്ടറിയേറ്റ് അംഗം വി.എൻ വാസവൻ തുടങ്ങിയവർ സമീപം.

പ്രായത്തോട് പടവെട്ടി... തിരുനക്കര മഹാദേവക്ഷേത്ര മൈതാനത്ത് ലോട്ടറി ടിക്കറ്റ് വിൽക്കുവാനെത്തിയ അതിരമ്പുഴ സ്വദേശി എഴുപത്തിയേഴ് വയസുള്ള ത്രേസ്യാമ്മ (തെയ്യാമ്മ). ഭർത്താവും മകനും വർഷങ്ങൾക്ക് മുൻപ് മരണപ്പെട്ടതോടെ ഒറ്റയ്ക്കായ ത്രേസ്യാമ്മ ലോട്ടറി ടിക്കറ്റ് വിറ്റാണ് പ്രായാധിക്യത്തിലും ഉപജീവനം നടത്തുന്നത്.

ബി.ഇ.എം ഗേൾസ് ഹയർസെക്കൻഡറി സ്കൂളിൽ നടന്ന ജില്ലാ സ്പെഷ്യൽ സ്കൂൾ കലോത്സവത്തിൽ ഒപ്പനയ്ക്കായി വേഷമിട്ട കാരുണ്യതീരം സ്പെഷ്യൽ സ്കൂൾ കട്ടിപ്പാറയിലെ കുട്ടികൾ മണവാട്ടിയ്ക്കൊപ്പം

ക്ലിയർ റെയിൻ.. കനത്ത ചൂടിന് ആശ്വാസമായി ഇന്നലെ പെയ്ത മഴയിൽ കോഴിക്കോട് മാനാഞ്ചിറയിൽ നിന്നുള്ള ദൃശ്യം..

മഴത്തുള്ളികൾക്കിടയിൽ...ഇന്നലെ അപ്രത്യക്ഷമായി പെയ്ത മഴയിൽ കുടയുമായി പോകുന്നയാൾ തൃശൂർ നഗരത്തിൽ നിന്നുമുള്ള ചിത്രം.

വിദർശ വിനോദ് - അച്ഛൻ വിനോദ്  അമ്മ അനിത - കഴുത്തിൽ മെഡൽ  അണിയിച്ചപ്പോൾ

ജീവിതഭാരം തലയിലേറ്റി... വലിയ ചുമടുമായി തൃശൂർ നഗരവീഥിയിലൂടെ നടന്നുനീങ്ങുന്ന സ്ത്രീ.