കുമളിയിൽ വന്യജീവി വാരാഘോഷ പന്തൽ തകർന്നുവീണ് അപകടം: രണ്ട് പൊലീസുകാർക്ക് പരിക്ക്

ഇടുക്കി: കുമളിയിൽ വനം-വന്യജീവി വാരാഘോഷത്തിന്റെ സംസ്ഥാനതല ഉദ്ഘാടന പന്തൽ തകർന്നുവീണ് അപകടം. രണ്ട് പൊലീസുകാർക്ക് പരിക്കേറ്റു. പരിപാടിക്ക് ശേഷം പന്തൽ അഴിച്ചുമാറ്റുന്നതിനിടെയാണ് അപകടമുണ്ടായതെന്നാണ് വിവരം. മന്ത്രി ഷിബു ബേബി ജോണായിരുന്നു വനം-വന്യജീവി വാരാഘോഷത്തിന്റെ ഉദ്ഘാടനം നിർവഹിച്ചത്.

ഇന്ന് ഉച്ചയോടെയായിരുന്നു അപകടം. ഈ സമയം പന്തലിന് താഴെ നിൽക്കുകയായിരുന്ന പൊലീസ് ഉദ്യോഗസ്ഥർക്കാണ് പരിക്കേറ്റത്. ഇരുവരെയും ഉടൻ തന്നെ ആശുപത്രിയിൽ പ്രവേശിപ്പിച്ചു. പരിപാടി കഴിഞ്ഞ് മന്ത്രിയും പൊതുജനങ്ങളും ഒഴിഞ്ഞുപോയതിനാൽ വലിയ ദുരന്തമാണ് ഒഴിവായതെന്ന് ദൃക്സാക്ഷികൾ പറഞ്ഞു. പന്തലിട്ടതിന്റെ അപാകതയാണ് അപകടത്തിന് കാരണമെന്നാണ് പ്രാഥമിക നിഗമനം.