'ജനങ്ങൾ ഇത്രയധികം ഏറ്റെടുത്ത മറ്റൊരു സർക്കാർ പദ്ധതിയില്ല'; 'പ്രിയദർശിനി'യെക്കുറിച്ച് ഗതാഗതമന്ത്രി

തിരുവനന്തപുരം: കെഎസ്‌ആർടിസി ബസുകളിൽ സ്‌ത്രീകൾക്ക് സൗജന്യ യാത്ര അനുവദിക്കുന്ന പ്രിയദർശിനി പദ്ധതി വലിയ വിജയമെന്ന് ഗതാഗതമന്ത്രി സി പി ജോൺ. ജനങ്ങൾ ഇത്രയധികം ഏറ്റെടുത്ത ഒരു സർക്കാർ പദ്ധതി ഈ അടുത്ത കാലത്തൊന്നും ഉണ്ടായിട്ടില്ലെന്നും കുടുംബബഡ്‌ജറ്റിനെ വലിയരീതീയിൽ മാറ്റിമറിക്കാൻ പദ്ധതിക്ക് കഴിഞ്ഞെന്നും ഗതാഗതമന്തി പറഞ്ഞു.

കൂടുതൽ ബസുകളിലേക്ക് പദ്ധതി ഉടൻ വ്യാപിപ്പിക്കില്ലെന്ന് മന്ത്രി വ്യക്തമാക്കി. പ്രിയദർശനി പദ്ധതി ഒരു മാസം പൂർത്തിയാക്കുന്ന വേളയിൽ ഒരു സ്വകാര്യ ചാനലിന് നൽകിയ അഭിമുഖത്തിലായിരുന്നു മന്ത്രിയുടെ പ്രതികരണം.