സംസ്ഥാനത്ത് മഴക്കെടുതി രൂക്ഷം; മരണസംഖ്യ ഉയരുന്നു, പലയിടത്തും ഗുരുതര സാഹചര്യം

താമരശേരിചുരം റോഡിൽ മണ്ണിടിച്ചിൽ. മരം കടപുഴകിവീണതിനാൽ ചുരംറോഡിൽ ഗതാഗത തടസമുണ്ടായി. വൈകുന്നേരം മൂന്നേമുക്കാലോടയായിരുന്നു സംഭവം. ഗ്രീൻ ബ്രിഗേഡെത്തി മരം മുറിച്ചുനീക്കി. രാവിലെ മുതൽ ശക്തമായ മഴ പെയ്‌തിരുന്നതിനാൽ താമരശേരിചുരം വഴി കടന്നുപോകുന്ന വാഹനങ്ങൾക്ക് നിയന്ത്രണം ഏർപ്പെടുത്തിയിരുന്നു.

വയനാട് പടിഞ്ഞാറത്തറയിൽ യുവാവ് ഷോക്കേറ്റ് മരിച്ചു. മഞ്ഞൂറ സ്വദേശി ബെന്നിയാണ് മരിച്ചത്. വെള്ളം പമ്പ് ചെയ്യുന്നതിനിടെ ഷോക്കേൽക്കുകയായിരുന്നു.

കാസർകോട്‌ കടൽ ക്ഷോഭം രൂക്ഷം. കുമ്പള കോയിപ്പാടിയിൽനിന്ന് ആളുകളെ മാറ്റുന്നു. ഒഴുപ്പിക്കുന്നത് രണ്ട് കുടുംബങ്ങളെ.

കോഴിക്കോട് പൂനൂരിൽ നിറയെ യാത്രക്കാരുമായിവന്ന ബസ് റോഡിലെ വെള്ളക്കെട്ടിൽ കുടുങ്ങി. നാട്ടുകാർ ഇടപെട്ടാണ് യാത്രക്കാരെ രക്ഷപ്പെടുത്തിയത്.

കനത്തമഴയ്‌ക്ക് പിന്നാലെയുണ്ടായ വെള്ളക്കെട്ടിനെത്തുടർന്ന് കൊട്ടാരക്കര ദിന്ധുക്കൽ പാതയിൽ പത്തുമണിക്കൂറായി സ്‌തംഭിച്ച ഗതാഗതം പുന:സ്ഥാപിച്ചു.

കനത്തമഴയിൽ വീടിനുമുകളിൽ മണ്ണിടിഞ്ഞുവീണ് കോലാഹലമേട്ടിൽ ഒരാൾ മരിച്ചു. വൈക്കം സ്വദേശി പ്രഭാകരൻനായരാണ് മരിച്ചത്.

ഇടുക്കി ഏലപ്പാറ ചെമ്മണ്ണിൽ മണ്ണിടിഞ്ഞുവീണ് വീടിനുള്ളിൽ കുടുങ്ങിയ ആളെ രക്ഷപ്പെടുത്തി.

ഈരാറ്റുപേട്ട പൂഞ്ഞാർ പയ്യാനിത്തോട്ടത്ത് രണ്ടുപേരുടെ മരണത്തിനിടയായ ഉരുൾ പൊട്ടലിന്റെ ഉത്ഭവസ്ഥാനം. ഫോട്ടോ: സെബിൻ ജോർജ്ജ്