ജൂലായ് 24ന് ജനനായകൻ വരുമോ ?

ആരാധകർ ഏറെനാളായി കാത്തിരിക്കുന്ന വിജയ് ചിത്രം ജനനായകൻ ജൂലായ് 24ന് റിലീസ് ചെയ്യാൻ നീക്കം. സെൻസർ കുരുക്കിൽപ്പെട്ട് കിടന്ന ചിത്രത്തിന് സെൻസർ ബോർഡ് A സർട്ടിഫിക്കറ്റാണ് നല്കിയിരിക്കുന്നത്. എച്ച്. വിനോദ് രചനയും സംവിധാനവും നിർവ്വഹിച്ച ജനനായകനിൽ പൂജ ഹെഗ്‌ഡേയാണ് നായിക. മമിത ബൈജുവാണ് മറ്റൊരു സുപ്രധാന കഥാപാത്രത്തെ അവതരിപ്പിക്കുന്നത്. ബോബി ഡിയോൾ, പ്രകാശ് രാജ്, ഗൗതം വാസുദേവ് മേനോൻ, നാസർ, നരെയ്ൻ, സുനിൽ, രേവതി, റെബ മോണിക്ക ജോൺ, നിഴൽകൾ രവി എന്നിവരും ജന നായകനിൽ അണിനിരക്കുന്നുണ്ട്. അനിരുദ്ധ് രവിചന്ദറിന്റേതാണ് സംഗീതം. തമിഴകത്തിന്റെ മുഖ്യമന്ത്രിയായ ശേഷം തിയേറ്ററുകളിലെത്തുന്ന വിജയ് ചിത്രമെന്ന നിലയ്ക്ക് രാഷ്ട്രീയ രംഗത്തും ജനനായകൻ അലയൊലികൾ സൃഷ്ടിക്കുമെന്നാണ് കരുതുന്നത്.