വ്യാസ ആർട്സ് ആൻഡ് കർച്ചറൽ സ്റ്റഡി സെന്ററും ഭാരത് ഭവനും സംയുക്തമായി സംഘടിപ്പിച്ച ചടങ്ങിൽ സരസ്വതി സമ്മാൻ ജേതാവ് കവി പ്രഭാവർമ്മയെ ഗോവ ഗവർണർ പി.എസ്.ശ്രീധരൻപിള്ള ആദരിക്കുന്നു. ശ്രീനാരായണ ഓപ്പൺ സർവ്വകലാശാല സിൻഡിക്കേറ്റ് മെമ്പർ ഡോ.സി.ഉദയകല, ഭാരത് ഭവൻ മെമ്പർ സെക്രട്ടറി ഡോ.പ്രമോദ് പയ്യന്നൂർ, മുൻ ചീഫ് സെക്രട്ടറി ആർ.രാമചന്ദ്രൻ നായർ, മികച്ച സേവനത്തിനുള്ള ആദരം ഏറ്റുവാങ്ങിയ ജ്യോതിസ് ഗ്രൂപ്പ് ഓഫ് സ്‌കൂൾസ് ചെയർമാൻ എസ്. ജ്യോതിസ് ചന്ദ്രൻ, ആതുര സേവനത്തിന് വ്യാസ പുരസ്‌കാരം ഏറ്റുവാങ്ങിയ ന്യൂ രാജസ്ഥാൻ മാർബിൾസ് ആൻഡ് രാജസ്ഥാൻ ജ്വല്ലേഴ്സ് ചെയർമാൻ സി. വിഷ്ണു ഭക്തൻ എന്നിവർ സമീപം

നിയമസഭ ദിനാഘോഷത്തിന്‍റെ ഭാഗമായി ദീപാലംകൃതമായ നിയമസഭാ മന്ദിരത്തിന് മുന്നിൽ നിന്ന് സെല്ഫിയെടുക്കുന്ന കുട്ടികൾ. ആഘോഷങ്ങളുടെ ഭാഗമായി ഏപ്രില്‍ 25 മുതല്‍ മെയ് 01 വരെയുള്ള ദിവസങ്ങളില്‍ രാവിലെ 10.30 മുതല്‍ രാത്രി 8.00 വരെയും പൊതു അവധി ദിവസങ്ങളില്‍ ഉച്ചയ്ക്ക് 2.00 മുതല്‍ രാത്രി 8.00 വരെയും പൊതു ജനങ്ങള്‍ക്ക് നിയമസഭാ മന്ദിരത്തിലും, നിയമസഭാ മ്യൂസിയത്തിലും പ്രവേശനം ഉണ്ടായിരിക്കുന്നതാണ്.

തിരുവനന്തപുരം ഹൈസിന്ത് ഹോട്ടലിൽ പൊതുമേഖലാ സ്ഥാപനങ്ങളുടെ ശാക്തീകരണ ശില്പശാലയുടെ സമാപനയോഗം ഉദ്‌ഘാടനം ചെയ്യാനെത്തിയ നിയുക്ത ചീഫ് സെക്രട്ടറി ഡോ.എ.ജയതിലക് മുഖ്യമന്ത്രി പിണറായി വിജയന് അന്തരിച്ച ഫ്രാൻസിസ് മാർപാപ്പയുടെ ആത്മകഥ 'ദി ഹോപ്പ്' ഉപഹാരമായി നൽകിയപ്പോൾ

സി.പി.ഐ ദേശീയ കൗൺസിൽ യോഗത്തിന്റെ ഭാഗമായി തിരുവനന്തപുരം മോഡൽ സ്‌കൂൾ ജംഗ്ഷൻ ഗ്രൗണ്ടിൽ നടന്ന നൂറാം വാർഷികാഘോഷ പൊതുസമ്മേളനം ഉദ്‌ഘാടനം നിർവ്വഹിക്കാനെത്തിയ ജനറൽ സെക്രട്ടറി ഡി.രാജ പ്രവർത്തകരെ അഭിവാദ്യം ചെയ്യുന്നു

തത്കാലം കസേരയില്ല.... കന്റോൺമെൻറ് ഹൗസിൽ കോൺഗ്രസ് നേതാക്കളുമായി നടത്തിയ ചർച്ചയ്ക്ക് ശേഷം മടങ്ങുന്ന പി.വി അൻവർ. തൃണമൂൽ എന്ന നിലയിൽ മുന്നണിയിലേക്ക് എടുക്കാൻ ആകില്ലെന്നും സഹയാത്രികനായി തുടരാമെന്നും കോൺഗ്രസ് നേതൃത്വം വ്യക്തമാക്കി.

കേന്ദ്ര-സംസ്ഥാന സർക്കാരുകളുടെ വേതന-ആനുകൂല്യ-അവകാശ നിഷേധത്തിനെതിരെ സ്ക്കൂൾ പാചക തൊഴിലാളി യൂണിയൻ (എ.ഐ.ടി.യു.സി) സെക്രട്ടറിയേറ്റിന് മുന്നിൽ നടത്തുന്ന അതിജീവന രാപ്പകൽ സമരം ഉദ്‌ഘാടനം നിർവ്വഹിക്കാനെത്തിയ  എ.ഐ.ടി.യു.സി സംസ്ഥാന ജനറൽ സെക്രട്ടറി കെ.പി രാജേന്ദ്രൻ പാചക തൊഴിലാളികൾക്കൊപ്പം ഉച്ചക്കഞ്ഞി പാകം ചെയ്യുന്നു

കൊല്ലം തങ്കശേരി ഇൻഫന്റ് ജീസസ് കത്തീഡ്രലിൽ നടന്ന യോഗത്തിൽ മന്ത്രി ജെ.ചിഞ്ചുറാണി ഫ്രാൻസിസ് മാർപാപ്പ അനുസ്മരണ പ്രഭാഷണം നടത്തുന്നു

കൊല്ലത്ത് തുടങ്ങിയ ആദ്യ അഖില കേരള അഭിഭാഷക കലോത്സവത്തിൽ ഭരതനാട്യത്തിൽ നിന്ന്