അന്തരിച്ച മുൻ മുഖ്യമന്ത്രി വി.എസ് അച്ചുതാനന്ദന് ആദരാജ്ഞലികൾ അർപ്പിച്ച് തൃശൂർ എരിഞ്ഞേരി അങ്ങാടിയിലെ ഒരു കടയിൽ വിഎസിൻ്റെ ചിത്രം ആലേഖനം ചെയ്ത ബനിയനുകൾ പ്രദർശിപ്പിച്ചപ്പോൾ

പുഷ്‌പം പോലെ .... കോട്ടയം തിരുനക്കരയിൽ എംസി.റോഡിലെ ട്രാഫിക്ക് തിരക്കിനിടയിൽ കൂടി ക്രോസ് ചെയത് അലങ്കാര പൂക്കൾ വിൽക്കാൻ പോകുന്നയാൾ

ഉമ്മൻചാണ്ടിയുടെ രണ്ടാം ചരമവാർഷികത്തോടനുബന്ധിച്ച് പുതുപ്പള്ളി പള്ളിയിലെ കല്ലറയിൽ പുഷ്പാർച്ചന നടത്തിയ ശേഷം ലോക്‌സഭാ പ്രതിപക്ഷ നേതാവ് രാഹുൽ ഗാന്ധി മെഴുകുതിരി കത്തിക്കുന്നു. ഉമ്മൻചാണ്ടിയുടെ കൊച്ചുമകൻ എഫിനോവ, ഭാര്യ മറിയാമ്മ ഉമ്മൻ, ചാണ്ടി ഉമ്മൻ എം.എൽ.എ, യൂഹാനോൻ മാർ ദിയസ്കോറോസ് മെത്രാപ്പൊലീത്ത, എ.ഐ.സി.സി ജനറൽസെക്രട്ടറി കെ.സി.വേണുഗോപാൽ, കേരള കോൺഗ്രസ് വർക്കിംഗ് ചെയർമാൻ പി.സി.തോമസ്, കെ.പി.സി.സി പ്രസിഡന്റ് സണ്ണി ജോസഫ് എം.എൽ.എ, പ്രതിപക്ഷ നേതാവ് വി.ഡി.സതീശൻ, രാജ്‌മോഹൻ ഉണ്ണിത്താൻ എം.പി തുടങ്ങിയവർ സമീപം

എ.കെ.ജി പഠന ഗവേഷണ കേന്ദ്രത്തിൽ (പഴയ എ.കെ.ജി സെന്റർ ) പൊതുദർശനത്തിന് വെച്ച മുൻ മുഖ്യമന്ത്രി വി.എസ്. അച്യുതാനന്ദനെ പാർട്ടി പുതപ്പിച്ച ശേഷം അന്ത്യോപചാരമർപ്പിക്കുന്നു.

നെന്മണിക്കരയിലെ മഹാദേവ ടീ സ്റ്റാൾ ഉടമ സന്തേഷ് വി.എസ് അച്ചുതാനന്ദനോടുള്ള കടുത്ത ആരാധന മൂലം തൻ്റെകടയിൽ ഒട്ടിച്ച വി.എസ് അച്ചുതാനന്ദൻ്റ ചിത്രങ്ങൾക്കൊപ്പം

ആനയൂട്ട്... തൃശൂർ പാറമേക്കാവ് ക്ഷേത്രത്തിൽ സംഘടിപ്പിച്ച ആനയൂട്ടിൽ നിന്ന്.

തൃശൂർ റീജണൽ തിയറ്ററിൽ സംഘടിപ്പിച്ച കേരള സംഗീത നാടക അക്കാഡമി പുരസ്കാര സമർപ്പണ ചടങ്ങിൽ അക്കാഡമി ഫെല്ലോഷിപ്പ് മന്ത്രി സജി ചെറിയാനിൽ നിന്ന്  ഏറ്റുവാങ്ങിയ  എം.ടി വാസുദേവൻ നായരുടെ ഭാര്യയും നർത്തകിയുമായ കലാമണ്ഡലം സരസ്വതി മറ്റ് ഫെല്ലോഷിപ്പ്  ജേതാക്കളായ സേവ്യർ പുൽപ്പാട്ട്, എ. അനന്തപത്മനാഭൻ അക്കാഡമി ചെയർപേഴ്സൺ മട്ടന്നൂർ ശങ്കരൻകുട്ടി, ടി. ആർ അജയൻ എന്നിവർ സമീപം

എറണാകുളം മറൈൻ ഡ്രൈവ് ഗ്രൗണ്ടിൽ സ്വകാര്യ പരിപാടിക്കായി നിർമ്മിച്ച പന്തൽ പൊളിക്കുന്നതിനായി ജെ.സി.ബിയുടെ കൈയിൽ കയറുകെട്ടി സുരക്ഷാ ക്രമീകരണങ്ങൾ ഇല്ലാതെ ജോലിയിലേർപ്പെട്ടിരിക്കുന്ന തൊഴിലാളി