കുതിച്ച് തുള്ളി...ചാമ്പ്യൻസ് ബോട്ട് ലീഗിന്റെ ഭാഗമായുള്ള കോട്ടയം താഴത്തങ്ങാടി വള്ളം കളിയിൽ ഫൈനൽ മത്സരത്തിൽ അരോമ ബോട്ട് ക്ലബിന്റെ അരോമ ചുണ്ടൻ ഒന്നാമതായി ഫിനിഷ് ചെയ്യുന്നു

ട്രാപ്പിലായ ട്രാക്കിൽ... ചാമ്പ്യൻസ് ബോട്ട് ലീഗിൻ്റെ ഭാഗമായുള്ള കോട്ടയം താഴത്തങ്ങാടി വള്ളം കളിയിൽ വെപ്പ് ബി ഗ്രേഡ് വള്ളങ്ങളുടെ ഫൈനൽ മത്സരത്തിൽ ഒന്നാമതായി കുതിച്ച ചുങ്കം വി വൺ ക്ലബ്ബിൻറെ പുന്നത്രപ്പുരക്കൻ വള്ളത്തിൻ്റെ ട്രാക്കിലേക്ക് അശ്രദ്ധമായി കയറിവന്ന ചെറുവള്ളക്കാരനെ വള്ളം ഇടിച്ചപ്പോൾ. ഇതോടെ ഇല്ലിക്കൽ ബോട്ട് ക്ലബ്ബിൻറെ ചാമ്പ്യൻ വള്ളം ഒന്നാമതായി ഫിനിഷ് ചെയ്തു.

ലോകം നിറയെ...ശ്രീനാരായണ ഫോറം ഫോർ യൂണിവേഴ്സൽ ബ്രദർഹുഡ് ജർമ്മനിയുടെ ആഭിമുഖ്യത്തിൽ ലോകത്ത് പത്തുലക്ഷത്തിലധികം പേർ ദൈവദശകം ആലപിക്കുന്നതിന്റെ ഭാഗമായി എസ്.എൻ.ഡി.പി യോഗം കോട്ടയം യൂണിയൻറെ ആഭിമുഖ്യത്തിൽ നാഗമ്പടം മഹാദേവക്ഷേത്രത്തിലെ തേന്മാവിൻ ചുവട്ടിൽ യൂണിയൻ കൺവീനർ സുരേഷ് പരമേശ്വരന്റെ നേതൃത്വത്തിൽ ദൈവദശകം ആലപിച്ചപ്പോൾ.

ലോകത്തിന് പ്രകാശമായ്...ശ്രീനാരായണ ഫോറം ഫോർ യൂണിവേഴ്സൽ ബ്രദർഹുഡ് ജർമ്മനിയുടെ ആഭിമുഖ്യത്തിൽ ലോകത്ത് പത്തുലക്ഷത്തിലധികം പേർ ദൈവദശകം ആലപിക്കുന്നതിന്റെ ഭാഗമായി എസ്.എൻ.ഡി.പി യോഗം കോട്ടയം യൂണിയൻറെ ആഭിമുഖ്യത്തിൽ നാഗമ്പടം മഹാദേവക്ഷേത്രത്തിലെ തേന്മാവിൻ ചുവട്ടിൽ സംഘടിപ്പിച്ച ദൈവദശകം ആലപനത്തിൽ പങ്കാളിയാവാനെത്തിയ കുട്ടി.

മഴയും കുടയും പിന്നെ ജീവിതവും: ചെരുപ്പും ബാഗും കുടകളും തുന്നി ഉപജീവനം നടത്തുന്നതിനിടെ പെയ്ത മഴ അൽപ്പമൊന്ന് തോർന്നപ്പോൾ തലയിൽ കെട്ടിയിരുന്ന തോർത്തിലെ വെള്ളം പിഴിഞ്ഞ് കളയുന്നയാൾ. കോട്ടയം നഗരത്തിലെ ഒരു വഴിയോരക്കാഴ്ച

പേടിവിതച്ച്... കോട്ടയം കോടിമത പച്ചക്കറി ചന്തയ്ക്ക് മുൻവശം റോഡിന് നടുവിൽ കടിപിടി കൂടുന്ന തെരുവ് നായ്ക്കൾ. സന്ധ്യയായാൽ തെരുവുനായ ശല്യം മൂലം യാത്രക്കാർ പേടിച്ചാണ് ഇതുവഴി കടന്നു പോകുന്നത്