ജസ്റ്റ് റിമെമ്പർ...ശബരിമല മണ്ഡലകാല തയാറെടുപ്പുകൾ വിലയിരുത്തുവാൻ കോട്ടയം റെയിൽവേ സ്റ്റേഷനിൽ എത്തിയ കേന്ദ്ര സഹമന്ത്രി സുരേഷ് ഗോപി റെയിൽവേ ജീവനക്കാർക്ക് നിർദ്ദേശങ്ങൾ നൽകിയപ്പോൾ.

ആന മധുരം... കിടങ്ങൂരിൽ എലിഫന്റ് ഓണേഴ്സ് അസോസിയേഷന്റെ നേതൃത്വത്തിൽ നാട്ടാനകൾക്കായി നടത്തിയ ആരോഗ്യ പരിശോധന ക്യാമ്പിൽ പരിശോധനയ്ക്കുശേഷം മുണ്ടക്കൽ ശിവനന്ദൻ എന്ന ആനയ്ക്ക് മധുര പലഹാരം നൽകുന്ന തൃശ്ശൂർ വെറ്ററിനറി സർവകലാശാല വിദ്യാർത്ഥികൾ.

പപ്പായപ്പഴം കഴിക്കുന്ന പച്ചിലക്കുടുക്ക.കോട്ടയം നട്ടാശ്ശേരിയിൽ നിന്നുള്ള കാഴ്ച

കുതിച്ച് തുള്ളി...ചാമ്പ്യൻസ് ബോട്ട് ലീഗിന്റെ ഭാഗമായുള്ള കോട്ടയം താഴത്തങ്ങാടി വള്ളം കളിയിൽ ഫൈനൽ മത്സരത്തിൽ അരോമ ബോട്ട് ക്ലബിന്റെ അരോമ ചുണ്ടൻ ഒന്നാമതായി ഫിനിഷ് ചെയ്യുന്നു

ട്രാപ്പിലായ ട്രാക്കിൽ... ചാമ്പ്യൻസ് ബോട്ട് ലീഗിൻ്റെ ഭാഗമായുള്ള കോട്ടയം താഴത്തങ്ങാടി വള്ളം കളിയിൽ വെപ്പ് ബി ഗ്രേഡ് വള്ളങ്ങളുടെ ഫൈനൽ മത്സരത്തിൽ ഒന്നാമതായി കുതിച്ച ചുങ്കം വി വൺ ക്ലബ്ബിൻറെ പുന്നത്രപ്പുരക്കൻ വള്ളത്തിൻ്റെ ട്രാക്കിലേക്ക് അശ്രദ്ധമായി കയറിവന്ന ചെറുവള്ളക്കാരനെ വള്ളം ഇടിച്ചപ്പോൾ. ഇതോടെ ഇല്ലിക്കൽ ബോട്ട് ക്ലബ്ബിൻറെ ചാമ്പ്യൻ വള്ളം ഒന്നാമതായി ഫിനിഷ് ചെയ്തു.