കെ-സ്‌പേസ് പാർക്കിന്റെ കോമൺ ഫെസിലിറ്റി സെന്ററിന്റെയും റിസർച്ച് ആന്റ് ഡെവലപ്മെന്റ് സെന്ററിന്റെയും ശിലാസ്ഥാപനം മുഖ്യമന്ത്രി പിണറായി വിജയൻ തിരുവനന്തപുരം ഹയാത്ത് റീജൻസിയിൽ നടന്ന കേരള എയ്റോ എക്സ്പോ 2025ൽ നിർവഹിക്കുന്നു. കെ-സ്‌പേസ് മാനേജർ കെ.ധനേഷ്, സി.ഇ.ഒ ജി.ലെവിൻ, മന്ത്രിമാരായ ജി.ആർ.അനിൽ, പി.രാജീവ്, ഐ.ടി -ഇലക്ട്രോണിക്‌സ് വകുപ്പ് സ്‌പെഷ്യൽ സെക്രട്ടറി സീറാം സാംബശിവ റാവു, കേരള സ്റ്റേറ്റ് ഇൻഫർമേഷൻ ടെക്‌നോളജി ഇൻഫ്രാസ്ട്രക്ചർ ലിമിറ്റഡ് എം.ഡി സന്തോഷ് ബാബു, നബാർഡ് ചെയർമാൻ ഷാജി കെ.വി, അണ്ടൂർകോണം പഞ്ചായത്ത് പ്രസിഡന്റ് എസ് .ഹരികുമാർ, ഐ എസ് ആർ ഒ - ഐ ഐ എസ് യു ഡയറക്ടർ ഇ എസ് പത്മകുമാർ, അണ്ടൂർകോണം പഞ്ചായത്ത് അംഗം അനൂജ അനീഷ്, ബ്ലോക്ക് പഞ്ചായത്ത് മെമ്പർ പുഷ്പ വിജയൻ, മംഗലപുരം ഗ്രാമപഞ്ചായത്ത് പ്രസിഡന്റ് സുമ.വി എന്നിവർ സമീപം

മനസ്സ് തൊട്ടറിഞ്ഞ്... മഹാത്മാ അയ്യൻകാളിയുടെ 84ആം ചരമവാർഷിക ദിനാചരണത്തോടനുബന്ധിച്ച് കെ.പി.എം.എസ് തിരുവനന്തപുരം കമ്മിറ്റിയുടെ ആഭിമുഖ്യത്തിൽ ഒളിമ്പിയ ഹാളിൽ സംഘടിപ്പിച്ച നവോത്ഥാന സ്‌മൃതി സംഗമത്തിൽ മുഖ്യാതിഥിയായെത്തിയ വേടനെ കാഴ്ചപരിമിതിയുള്ള വൈഗ മുഖത്ത് തൊട്ടു നോക്കുന്നു. പരിപാടിയിൽ വൈഗ വേടന്റെ ആലപിച്ചിരുന്നു.

മഹാത്മാ അയ്യൻകാളിയുടെ 84ആം ചരമവാർഷിക ദിനാചരണത്തോടനുബന്ധിച്ച് കെ.പി.എം.എസ് തിരുവനന്തപുരം കമ്മിറ്റിയുടെ ആഭിമുഖ്യത്തിൽ ഒളിമ്പിയ ഹാളിൽ സംഘടിപ്പിച്ച നവോത്ഥാന സ്‌മൃതി സംഗമത്തിൽ മുഖ്യാതിഥിയായെത്തിയ വേടന് വാള് നൽകിയപ്പോൾ. കെ.പി.എം.എസ് സംസ്ഥാന പ്രസിഡന്റ് സി.രാജപ്പൻ, ജനറൽ സെക്രട്ടറി ആലംകോട് സുരേന്ദ്രൻ തുടങ്ങിയവർ സമീപം

ഓണറേറിയം വർദ്ധനയുൾപ്പടെയുള്ള ആവശ്യങ്ങൾ ഉന്നയിച്ച് കേരള ആശാ ഹെൽത്ത് വർക്കേഴ്സ് അസോസിയേഷന്റെ നേതൃത്വത്തിൽ നടന്ന കാസർഗോഡ് മുതൽ തിരുവനന്തപുരം വരെ നടന്ന രാപകൽ സമരയാത്രയുടെ സമാപനംകുറിച്ചുള്ള മഹാറാലി സെക്രട്ടേറിയറ്റിന് ഉദ്ഘാടനം ചെയ്യാനെത്തിയ പ്രതിപക്ഷ നേതാവ് വി.ഡി സതീശൻ ആശമാരെ അഭിവാദ്യം ചെയ്യുന്നു. കെ.എസ്.ശബരിനാഥൻ സമീപം

വായനപക്ഷാചാരണത്തിന്റെ ജില്ലാതല ഉദ്ഘാടനം മാന്നാനം സെന്റ് .എഫ്രേംസ് സ്കൂളിൽ മന്ത്രി വി.എൻ.വാസവൻ നിർവഹിക്കുന്നു. അഡ്വ.കെ.ഫ്രാൻസിസ് ജോർജ് എം.പി, ജില്ലാ പഞ്ചായത്ത് പ്രസിഡന്റ് ഹേമലത പ്രേംസാഗർ, ജില്ലാ കളക്ടർ ജോൺ വി. സാമുവൽ തുടങ്ങിയവർ സമീപം

പാലക്കാട്‌ പുതുപ്പരിയാരം ഞാറക്കോട് കാട്ടാനയുടെ ആക്രമണത്തിൽ മരിച്ച കുമാരന്റെ മൃതദേഹം പോസ്റ്റ്‌മാർട്ടത്തിന് ശേഷം വീട്ടിലെത്തിച്ചപ്പോൾ മകൾ രജിതയും മരുമകൾ രമ്യയും വാവിട്ടു കരയുന്നു

ട്രോളിംഗ് നിരോധനത്തെ തുടർന്ന് കാളമുക്ക് ഹാർബറിൽ കിടക്കുന്ന ബോട്ടുകൾ.

ജില്ലാ ലൈബ്രറി കൗൺസിലും ഇൻഫർമേഷൻ ആൻഡ് പബ്ലിക് റിലേഷൻ വകുപ്പും പി.എൻ. പണിക്കർ ഫൗണ്ടേഷനും സംയുക്തമായി ഗവ. ഗേൾസ് സ്കൂളിൽ സംഘടിപ്പിച്ച വായനാ ദിനാചരണത്തിന്റെ ജില്ലാതല ഉദ്ഘാടന വേളയിൽ പ്രൊഫ. എം.കെ. സാനു കുട്ടികളോടൊപ്പം

പീസ് വാലി ഫൗണ്ടേഷൻ, ജില്ലാ സാമൂഹിക നീതി ഓഫിസ്, പെരുമ്പാവൂർ ജയ്ഭാരത് കോളേജ് സോഷ്യൽ സയൻസ് വിഭാഗം എന്നിവയുടെ സംയുക്താഭിമുഖ്യത്തിൽ ഭിക്ഷാടനത്തിനെതിരെ 'സേ നോ ടു ബെഗിങ്ങ്' എന്ന സന്ദേശവുമായി മറൈൻ ഡ്രൈവിൽ സംഘടിപ്പിച്ച ഫ്ലാഷ് മോബ്.

ലഹരിക്കെതിരെ... മലങ്കര ഓർത്തഡോക്സ് സഭ സംഘടിപ്പിക്കുന്ന ഡ്രഗ്സിറ്റ് ലഹരി വിരുദ്ധ ഉച്ചകോടിയുടെ ഭാഗമായി കോട്ടയം ഗാന്ധി സ്ക്വയറിൽ വിദ്യാർത്ഥിനികൾ ഫ്ലാഷ്മോബ് അവതരിപ്പിക്കുന്നു.

കോട്ടയം അതിരമ്പുഴയിൽ നടന്ന കുടുംബശ്രീ സംസ്ഥാന കലോത്സവത്തിൽ ഓവറോൾ ചാമ്പ്യാന്മാരായ കണ്ണൂർ ജില്ലാടീമിന്റെ ആഹ്ളാദം.

കോട്ടയം അതിരമ്പുഴയിൽ നടക്കുന്ന കുടുംബശ്രീ സംസ്ഥാന കലോത്സവത്തിൽ സീനിയർ വിഭാഗം മോഹിനിയാട്ടത്തിൽ ഒന്നാം സ്ഥാനം നേടിയ കെ.കെ.ശ്രീദേവി,തൃശൂർ

അരങ്ങുണർത്തി... കോട്ടയം അതിരമ്പുഴയിൽ നടക്കുന്ന കുടുംബശ്രീ സംസ്ഥാന കലോത്സവത്തിൽ ജൂനിയർ വിഭാഗം തിരുവാതിരകളിയിൽ ഒന്നാം സ്ഥാനം നേടിയ കണ്ണൂർ പാപ്പിനശേരി സി.ഡി.എസിലെ മത്സരാർത്ഥികളുടെ ആഹ്ളാദം.

ജില്ലാ ലൈബ്രറി കൗൺസിൽ ഏർപ്പെടുത്തിയ പ്രൊഫ. ആദിനാട് ഗോപി സാഹിത്യ പുരസ്കാരം മുൻ ചീഫ് സെക്രട്ടറിയും എഴുത്തുകാരനുമായ കെ.ജയകുമാറിന് മുൻ മന്ത്രി മുല്ലക്കര രത്നാകരൻ സമ്മാനിക്കുന്നു

മാദ്ധ്യമ പ്രവർത്തകൻ ആർ.സലീം രാജ് എഴുതിയ പ്രണയ മേഘങ്ങൾ പറയാതിരുന്നത് എന്ന പുസ്തകത്തിന്റെ പ്രകാശനം കശുഅണ്ടി വികസന കോർപ്പറേഷൻ ചെയർമാൻ എസ്.ജയമോഹൻ മാദ്ധ്യമപ്രവർത്തകൻ ഹസ്താമലകന് നൽകി നിർവഹിക്കുന്നു

രംഗചേതന കളിവെട്ടം2025ൻ്റെ ഭാഗമായി തൃശൂർ കോർപറേഷൻ ഓഫീസിന് മുൻപിൽ ലഹരിക്കെതിരെകുട്ടികൾ സഘടിപ്പിച്ച നാടകത്തിൽ നിന്ന്

ഫ്ലാഗ് ഓഫ്... ലോക ഭക്ഷ്യ സുരക്ഷാ ദിനത്തോടനുബന്ധിച്ച് പാലക്കാട് സിവിൽ സ്റ്റേഷനിൽ ഭക്ഷ്യ സുരക്ഷാ വകുപ്പിൻ്റെ ആഭിമുഖ്യത്തിൽ സംഘടിപ്പിച്ച 'ഈറ്റ് റൈറ്റ് വാക്കത്തോൺ' ജില്ലാ കളക്ടർ ജി. പ്രിയങ്ക ഫ്ലാഗ് ഓഫ് ചെയ്യുന്നു.

കേരളത്തിലെത്തുന്ന ദേശാടന പക്ഷികളിലെ സുന്ദരന്മാരാണ്‌ വർണ്ണകൊക്കുകൾ (പെയിന്റഡ് സ്റ്റോർക്ക്). രണ്ടാംകൃഷിക്കായി നിലമൊരുക്കുന്ന ആലപ്പുഴ നെടുമുടി പഴയകരി പാടത്ത് തീറ്റതേടിയെത്തിയ വർണ്ണകൊക്കുകൾ

വരവായി ആമ്പൽ കാഴ്ച... കോട്ടയം തിരുവാർപ്പ് പഞ്ചായത്തിലെ മലരിക്കൽ തിരുവായ്ക്കരി പാടശേഖരത്ത് വള്ളത്തിൽ പോയി ആമ്പൽ വസന്തം ആസ്വദിക്കുന്നവർ. ഈ വർഷം നേരത്തെ ആമ്പൽ വിരിഞ്ഞ് തുടങ്ങി.

കാലവർഷം ആരംഭിച്ചതോടെ പാലക്കാട്‌ ജില്ലയിൽ കാർഷിക മേഖല ഉണർന്നു. ഒന്നാം വിളയുടെ ആരംഭത്തോടെ കൃഷി സ്ഥലം ഉഴിതു മറിക്കലും ഞാറ്റാടി തയ്യാറാക്കലും സജീവായി തുടരുന്നു. തന്റെ കൃഷിയിടത്തിലേക്ക് തുമ്പയുമായി പോകുന്ന കർഷകൻ. കരിമ്പനയുടെ പശ്ചാത്തലത്തിൽ പാലക്കാട്‌ കോട്ടായി ഭാഗത്തു നിന്നുള്ള ദൃശ്യം .

കോട്ടയം മെഡിക്കൽ കോളേജ് ബൈപ്പാസ് റോഡിൽ ചുങ്കം പാലത്തിന് സമീപം നിന്ന വർഷങ്ങൾ പഴക്കമുള്ള തണൽ മരം കടപുഴകി വീണപ്പോൾ മുറിച്ച് മാറ്റുന്നു.മരം അപകടാവസ്ഥയിലാണെന്ന് പരാതി കൊടുത്തിട്ടും മുറിച്ച് മാറ്റാൻ തയാറായില്ല.ഓട്ടോറിക്ഷ യാത്രക്കാരും സമീപത്തെ വീട്ട്കാരും ഭാഗ്യം കൊണ്ട് രക്ഷപ്പെട്ടു

ഇവിടെ വാസം സാദ്ധ്യമോ...പ്ലാസ്റ്റിക് മാലിന്യം നിറഞ്ഞ വെള്ളക്കെട്ടിലൂടെ കുട്ടികളോടൊപ്പം പോകുന്ന ഇരണ്ടപ്പക്ഷികൾ. പരിസ്ഥിതി ദിനത്തിൽ കോട്ടയം ശാസ്ത്രി റോഡിന് സമീപത്ത് നിന്നുള്ള കാഴ്ച

ഹോളി മേരി കാത്തു...കനത്തമഴയ്ക്കിടെ കോട്ടയം ഗാന്ധിസ്വകയറിൽ നിന്ന് തിരുനക്കര ബസ് സ്റ്റാൻഡ് റോഡിലേക്ക് തിരിയുന്നതിനിടെ കാർ തട്ടി നിലത്തു വീണ സ്കൂട്ടർ യാത്രക്കാരിയെ നോക്കുന്ന ബസ് യാത്രക്കാർ. പെട്ടെന്ന് കാർ നിറുത്തിയതിനാൽ വൻ ദുരന്തം ഒഴിവായി. കാലിന് പരിക്കേറ്റ സ്കൂട്ടർ യാത്രക്കാരിയെ കാർയാത്രക്കാർ പിന്നീട് ആശുപത്രിയിലേയ്ക്ക് കൊണ്ടുപോയി

നിരവധി ടൂറിസ്റ്റുകളെത്തുന്ന ചിന്നക്കനാലിൽ നിന്നുള്ള കാഴ്ച

കോട്ടയം ഇൻഡോർ സ്റ്റേഡിയത്തിൽ നടക്കുന്ന കേരള സ്റ്റേറ്റ് അമച്വർ കിക്ക് ബോക്സിംഗ് ചാമ്പ്യൻഷിപ്പിൽ ചൈൽഡ് വിഭാഗത്തിൽ കൊല്ലത്തിന്റെ മുഹമ്മദ് അഷാൻ തിരുവനന്തപുരത്തിൻ്റെ ആരിഷ് ഷാരൂഖിനെതിരെ പോയിൻ്റ് നേ ടുന്നു.മുഹമ്മദ് അഷാൻ വിജയിച്ചു

കിക്ക്... കോട്ടയം ഇൻഡോർ സ്റ്റേഡിയത്തിൽ നടക്കുന്ന കേരള സ്റ്റേറ്റ് അമച്വർ കിക്ക് ബോക്സിംഗ് ചാമ്പ്യൻഷിപ്പിൽ 48 കിലോഗ്രാം വിഭാഗത്തിൽ മലപ്പുറത്തിൻ്റെ വി. ദേവനന്ദ തിരുവനന്തപുരത്തിന്റെ എം. അനുപമക്കെതിരെ പോയിൻ്റ് നേടുന്നു. ദേവനനന്ദ വിജയിച്ചു.

കോട്ടയം ഇൻഡോർ സ്റ്റേഡിയത്തിൽ നടക്കുന്ന കേരള സ്റ്റേറ്റ് അമച്വർ കിക്ക് ബോക്സിംഗ് ചാമ്പ്യൻഷിപ്പിൽ 51 കിലോഗ്രാം വിഭാഗത്തിൽ കോട്ടയത്തിന്റെ അനന്തു ബിജുവിനെതിരെ മലപ്പുറത്തിന്റെ മുഹമ്മദ് നിഷാദ് പോയിന്റ് നേടുന്നു. മുഹമ്മദ് നിഷാദ് വിജയിച്ചു

മലേഷ്യയിൽ നടക്കുന്ന അന്താരാഷ്ട്ര പരിശീലന പരിപാടിയിൽ പങ്കെടുക്കാൻ അവസരം ലഭിച്ച സൂപ്പർ ലീഗ് കേരള താരങ്ങൾ ഫോട്ടോയ്ക്ക് അണിനിരന്നപ്പോൾ

സംസ്ഥാന സ്പോർട്സ് കൗൺസിൽ ചെസ് ടെക്നിക്കൽ കമ്മിറ്റി ക്യു.എ.സിയിൽ സംഘടിപ്പിച്ച പതിനൊന്ന് വയസിൽ താഴെയുള്ള കുട്ടികൾക്കായുള്ള സംസ്ഥാന ചെസ് ചാമ്പ്യൻഷിപ്പ്

സ്‌പോർട്‌സാണ് ലഹരി... സംസ്ഥാന സർക്കാരിന്റെ ലഹരി വിരുദ്ധ ക്യാമ്പയിന്റെ ഭാഗമായി കായിക വകുപ്പ് സ്‌പോർട്‌സാണ് ലഹരി എന്ന മുദ്രാവാക്യം ഉയർത്തി നടത്തുന്ന കിക് ഡ്രഗ്സ് സന്ദേശയാത്രയുടെ ഭാഗമായി കോട്ടയം പൊലീസ് പരേഡ് ഗ്രൗണ്ടിൽ നിന്നാരംഭിച്ച വാക്കത്തോണിന് മുന്നോടിയായി നടത്തിയ സുംബാ ഡാൻസിനൊപ്പം ഫുട്ബോൾ നെറ്റിയിൽ വച്ച് ബാലൻസ് ചെയ്യുന്ന അബ്ദുറഹ്മാൻ.

നഴ്‌സസ് ആൻഡ് പബ്ലിക് ഹെൽത്ത് നഴ്‌സസിന്റെയും നഴ്സിംഗ് കോളേജുകളുടെയും ആഭിമുഖ്യത്തിൽ നടത്തുന്ന കോട്ടയം ജില്ലാ നഴ്‌സസ് വാരാഘോഷത്തിന്റെ ഭാഗമായി എം.ടി സെമിനാരി സ്കൂൾ മൈതാനത്ത് നടത്തിയ കായികമേളയിൽ നടന്ന ഷോട്ട്പുട്ട് മത്സരത്തിൽ നിന്ന്

ഓടെടി ഓട്... നഴ്‌സസ് ആൻഡ് പബ്ലിക് ഹെൽത്ത് നഴ്‌സസിന്റെയും നഴ്സിംഗ് കോളേജുകളുടെയും ആഭിമുഖ്യത്തിൽ നടത്തുന്ന കോട്ടയം ജില്ലാ നഴ്‌സസ് വാരാഘോഷത്തിന്റെ ഭാഗമായി എം.ടി സെമിനാരി സ്കൂൾ മൈതാനത്ത് നടത്തിയ കായികമേളയിൽ നടന്ന റിലേ മത്സരത്തിൽ ബാറ്റൺ കൈമാറിയ മത്സരാർത്ഥിയുടെ ആവേശം.

കനത്ത മഴയെ തുടർന്ന് ചാലക്കുടി പോട്ടയിൽ റോഡിൽ വെള്ളം കയറിയപ്പോൾ

ബ്ലോക്ക് മാല... അടിപ്പാത നിർമ്മാണം നടക്കുന്ന തൃശൂർ ആമ്പല്ലൂർ സെൻ്ററിൽ രൂപപ്പെട്ട ഗതാഗത കുരുക്ക്.

പീച്ചി ഡാമിന്റെ വൃഷ്ടി പ്രദേശങ്ങളിൽ സാമാന്യം നല്ല രീതിയിൽ മഴ ലഭിച്ച് ഡാമിലേക്ക് നീരൊഴുക്ക് തുടരുന്നതിനെ തുടർന്ന് ഡാമിലെ ജലനിരപ്പ് ഉയർന്നപ്പോൾ ഇതിൻ്റെ ഭാഗമായി കെഎസ് ഇബി ചെറുകിട വൈദുതി ഉത്പാദന നിലയം റിവർ സ്ലൂയിസ് വഴി വെള്ളം തുറന്ന് വിടും

സെക്രട്ടേറിയറ്റിന് മുന്നിൽ ആശമാർ നടത്തുന്ന അതിജീവന രാപകൽ സമരത്തിന്റെ 128ാം ദിവസം സമരപന്തലിലെത്തിയ മുൻ പ്രതിപക്ഷ നേതാവ് രമേശ് ചെന്നിത്തല സമരക്കാരുമായി സംസാരിക്കുന്നു.

കോർപറേഷൻ കൗൺസിലിൽ പ്രധാനപ്പെട്ട അജണ്ടകൾ ചർച്ച ചെയ്യാതെ യോഗത്തിൽ നിന്ന് മേയർ എം.കെ വർഗീസ് ഇറങ്ങിപ്പോയത്തിൽ പ്രതിഷേധിച്ച് ഘരാവോ ചെയ്ത കോൺഗ്രസ്,ബി.ജെ.പി കൗൺസിലർമാർക്കിടയിലൂടെ മേയറെ പുറത്തേക്ക് കൊണ്ട് പോകുന്ന പൊലീസ്

ശക്തമായ മഴയിൽ നിന്ന് രക്ഷതേടി സുരക്ഷിത സ്ഥാനത്തേയ്ക്ക് ഓടിമാറുന്ന യുവാക്കൾ. ആലപ്പുഴ ബീച്ചിന് സമീപത്തുനിന്നുള്ള ദൃശ്യം.

തൃശൂർ പുഴക്കലിൽ തകർന്ന റോഡ്

റോഡ് പണിയെ തുടർന്ന് മുതുവറയിൽ അനുഭവപ്പെട്ട ഗതാഗത കുരുക്ക്