നീളുന്ന ദുരിതം...വർഷങ്ങളായി പശ്ചിമ കൊച്ചിക്കാർക്ക് തലവേദനയായ ഗതാഗതക്കുരുക്കിന് ഇന്നും യാതൊരു കുറവുമില്ല. ഇന്നലെ ഒരു മണിക്കൂറിലേറെ എടുത്തിട്ടാണ് വാഹനങ്ങൾ ബി.ഒ.ടി പാലം കടന്ന് വാത്തുരുത്തി റെയിൽവേ ക്രോസ് കടന്നുകിട്ടിയത്

തൃശൂർ വികെഎൻ മേനോൻ ഇൻഡോർ സ്റ്റേഡിയത്തിൽ സംഘടിപ്പിച്ച സ്പോർട്സ് യോഗ ചാമ്പ്യൻഷിപ്പിൽ മത്സരിക്കുന്ന 68 വയസുള്ള ജയതിലകൻ്റെ പ്രകടനം അത്ഭുതതോടെ  നോക്കി കാണുന്ന പുതുമുഖങ്ങളായ മത്സരാർത്ഥികൾ മണ്ണുത്തി വെറ്ററിനറി സർവകലാശാലയിലെ മീറ്റ് ടെക്നോളജി ഉദ്യോഗസ്ഥനായിരുന്നു ജയ തിലകൻ ചാമ്പ്യൻഷിപ്പിൽ  രണ്ടാം സ്ഥാനം ലഭിച്ചു

പത്തനംതിട്ട ജനറൽ ആശുപത്രിയിലെ പുതിയകെട്ടിടത്തിൽ നടന്ന ഫയർ ഫോഴ്സിന്റെ മോക്ഡ്രിൽ.

വിവിധ ആവശ്യങ്ങൾ ഉന്നെയിച്ച് അങ്കണവാടി വർക്കേഴ്‌സ് ആൻ്റ് ഹെൽപേഴ്സ് അസോസിയേഷൻ (സിഐടിയു) പ്രവർത്തകർ മഴയിൽ കുടചൂടി തൃശൂർ സ്പീഡ് പോസ്റ്റ് ഓഫിസിന് മുൻപിൽ സംഘടിപ്പിച്ച ധർണ

തൊടുപുഴ വെങ്ങല്ലൂർ- മാങ്ങാട്ടുകവല ബൈപ്പാസ് റോഡിൽ അർജന്റീന ഫുട്ബാൾ ടീമിന്റെ ആരാധകർ സ്ഥാപിച്ച കൂറ്റൻ ഫ്ലക്സ് ബോർഡ്.

മലങ്കര ഡാം പരിസരത്ത് ചൂണ്ടയിട്ട് മീൻ പിടിക്കുന്ന പ്രദേശവാസി. അറ്റകുറ്റ പണികൾക്കായി കഴിഞ്ഞ മാസം ഡാമിന്റെ ഷട്ടറുകൾ ഉയർത്തിയിരുന്നു. ഇപ്പോൾ നിലവിൽ ഒരു ഷട്ടർ മാത്രമാണ് തുറന്നിരിക്കുന്നത്.

ഡോ. എ.പി.ജെ അബ്ദുൽ കലാം ഗവ. ഹയർ സെക്കൻഡറി സ്കൂളിലെ ഹയർസെക്കൻഡറി പ്രവേശനോത്സവ ദിനത്തിലെത്തിയ ഹ്യുമാനിറ്റീസ് വിഭാഗം വിദ്യാർത്ഥി അർജുൻ കെ.ആർ അനുജൻ അമ്പാടിയെ ലാളിക്കുന്നു. അമ്മ അമ്പിളി സമീപം. ആദ്യ ദിവസം രക്ഷിതാക്കൾക്ക് പ്രത്യേക ക്ളാസ് നടത്തിയിരുന്നു.അമ്മയോടൊപ്പം അനുജനും ചേട്ടന്റെ പ്രവേശനോത്സവം കാണാൻ എത്തിയിരുന്നു.

കുടയത്തൂരിൽ മലങ്കര ഡാം പരിസരത്തെ വിളവെടുപ്പിന് തയ്യാറായ റംബൂട്ടാൻ തോട്ടത്തിൽ പഴങ്ങൾക്ക് കേടുപാടുകൾ വരാതിരിക്കാനും പക്ഷികളുടെ ശല്യം തടയാനും മരങ്ങൾക്ക് മുകളിൽ സംരക്ഷണ വല വിരിച്ചിരിക്കുന്നു. സീസണായപ്പോൾ വിലയിടിഞ്ഞതിനെ തുടർന്ന് റംബുട്ടാൻ കർഷകർ പ്രതിസന്ധിയിലാണ്. മെച്ചപ്പെട്ട വില ലഭിക്കുമെന്നതിനാൽ റബർമരങ്ങൾ വെട്ടിമാറ്റി നിരവധിപ്പേർ റംബൂട്ടാനിലേക്ക് തിരിഞ്ഞിരുന്നു