മഴയുടെ അതിഥികൾ... പുതുമഴ പെയ്താൽ ആദ്യമെത്തുന്ന അതിഥിയാണ് ഈയാംപാറ്റകൾ. ഇടവപെയ്ത്തിൽ ഇത്തവണയും അവർ പതിവു തെറ്റിച്ചില്ല.  മൺപുറ്റിൽ നിന്ന് പറന്നുയർന്ന ഈ മഴ കൂട്ടുകാർ പതിവുപോലെ ചിറകറ്റുവീണു . കോഴിക്കോട് പുതിയപാലത്തുനിന്നുള്ള ദൃശ്യം.

കനത്ത മഴയിൽ കോഴിക്കോട് സ്റ്റേഡിയം ജംഗ്ഷന് സമീപത്ത് നിന്നുള്ള കാഴ്ച്ച.

ഓടിക്കോ ചങ്ങാതി...രണ്ട് ദിവസമായി തകർത്തു പെയ്യുകയാണ് മഴ. തക‍ർന്ന് തരിപ്പണമായ വൈറ്റില ഹബ്ബിലേക്കുള്ള റോഡ് മഴവെള്ളത്തിൽ കുളമായി. ഇത് കാൽനടയാത്രികർക്കും വാഹനങ്ങൾക്കും ഒരുപോലെ ബുദ്ധിമുട്ടായി മാറിയിരിക്കുകയാണ്. ഹബ്ബിലേക്ക് വരുന്ന ബസ് ദേഹത്ത് വെള്ളം തെറിപ്പിക്കുമെന്ന ആശങ്കയിൽ ഓടിമാറുന്ന പെൺകുട്ടികൾ.

ഡ‌ർബാർ ആർട്ട് ഗാലറിയിൽ ഇടപ്പള്ളി വടക്കുംഭാഗം സർവീസ് സഹകരണ ബാങ്ക് സംഘടിപ്പിക്കുന്ന അശാന്തം 2023 സംസ്ഥാനതല ചിത്ര പ്രദർശനം കാണുന്നവർ

ബെല്ലടിക്കും മുൻപേ... പുതിയ അദ്ധ്യായന വർഷത്തിനു മുന്നോടിയായി കോട്ടയം എസ്.എച്ച് ഹയർ സെക്കൻഡറി സ്കൂളിൾ ശുചീകരണ പ്രവർത്തനങ്ങൾ നടത്തുന്ന എൻ.എസ്.എസ് വോളണ്ടിയർമാർ.

തിളങ്ങട്ടെ ക്ലാസുകൾ... പുതിയ അദ്ധ്യായന വർഷത്തിനു മുന്നോടിയായി ക്ലാസ് മുറികൾ ശുചിയാക്കുന്ന എൻ.എസ്.എസ് വോളണ്ടിയർമാർ. കോട്ടയം എസ്.എച്ച് മൗണ്ട് ഹയർ സെക്കൻഡറി സ്കൂളിൾ നിന്നുള്ള കാഴ്ച.

കെ.പി.എ.സിയുടെ നേതൃത്വത്തിൽ തിരുവനന്തപുരം കാർത്തിക തിരുനാൾ തിയേറ്ററിൽ നടന്ന തോപ്പിൽ ഭാസി ജന്മശതാബ്ദി ആഘോഷങ്ങളുടെ ഉദ്ഘാടനം ചലച്ചിത്രകാരൻ അടൂർ ഗോപാലകൃഷ്ണൻ നിർവഹിക്കുന്നു. കെ.പി.എ.സി സെക്രട്ടറി എ.ഷാജഹാൻ, സ്വാഗതസംഘം കൺവീനർ കല്ലിംഗൽ ജയചന്ദ്രൻ, മുൻ ചീഫ് സെക്രട്ടറി കെ.ജയകുമാർ, സി.പി.ഐ സംസ്ഥാന സെക്രട്ടറി ബിനോയ് വിശ്വം, തോപ്പിൽ ഭാസിയുടെ മകൾ എ.മാല, മന്ത്രി ജി.ആർ അനിൽ, സി.പി.ഐ ജില്ലാ സെക്രട്ടറി മാങ്കോട് രാധാകൃഷ്ണൻ എന്നിവർ സമീപം

അച്ഛന് ഞാനുണ്ട്... ഭിന്നശേഷിക്കാരനായ അച്ഛന് വഴികാട്ടിയായി മുൻപേ ഉല്ലാസത്തോടെ പോകുന്ന കുട്ടി. തിരുവനന്തപുരം നന്ദാവനത്ത് നിന്നുള്ള ദൃശ്യം