കോട്ടയം നഗരത്തിൽ ശക്തമായ മഴ പെയ്തപ്പോൾ ചുവന്ന ഷാൾ ചൂടി നടന്ന് പോകുന്നയാൾ.

പാമ്പാടിയിൽ സ്‌കൂട്ടർ അപകടത്തിൽ മരിച്ച ആഷ്ലി ആൻ തോമസിന്റെ മൃതദേഹം മണർകാട് സെന്റ്.മേരീസ്‌ ആശുപത്രി മോർച്ചറിയിൽ കൊണ്ടുവന്നപ്പോൾ

വിജയദശമി ദിനത്തിൽ കോട്ടയം പനച്ചിക്കാട് ദക്ഷിണ മൂകാംബി ക്ഷേത്രത്തിൽ നടന്ന വിദ്യാരംഭ ചടങ്ങിൽ ‌ ആചാര്യൻ ഇരട്ട സഹോദരൻ അദ്വിക്കിന്റെ നാവിൽ ആദ്യാക്ഷരം കുറിക്കുമ്പോൾ അമ്മയുടെ മടിയിലിരുന്ന് ഇരട്ട സഹോദരി അദ്വിക അത്ഭുതത്തോടെ നോക്കുന്നു

വിജയദശമി ദിനത്തിൽ കോട്ടയം പനച്ചിക്കാട് ദക്ഷിണ മൂകാംബി ക്ഷേത്രത്തിൽ നടന്ന വിദ്യാരംഭ ചടങ്ങിൽ ആചാര്യൻ അനുജത്തികുട്ടിയെ ആദ്യാക്ഷരം എഴുതിക്കുമ്പോൾ ചേച്ചി കുട്ടി നാണിച്ച് ചിരിക്കുന്നു

കേരളകൗമുദി 115-ാമത് വാർഷിക ആഘോഷത്തോടനുബന്ധിച്ച് കോട്ടയം യൂണിറ്റിന്റെ ആഭിമുഖ്യത്തിൽ ഹോട്ടൽ ഫ്ലോറൽ പാലസ് ഹാളിൽ സംഘടിപ്പിച്ച മെഡിക്കൽ കോൺക്ലേവ് മന്ത്രി കെ.മുരളീധരൻ ഉദ്ഘാടനം ചെയ്യുന്നു. കോട്ടയം മെഡിക്കൽ കോളേജ് സൂപ്രണ്ട് ഡോ.ടിജി തോമസ് ജേക്കബ്, മുൻ മന്ത്രി വി.എൻ.വാസവൻ, കേരളകൗമുദി കോട്ടയം ബ്യൂറോ ചീഫ് രാഹുൽ ചന്ദ്രശേഖർ, ഡെപ്യൂട്ടി എഡിറ്റർ വി.ജയകുമാർ, യൂണിറ്റ് ചീഫ് ആർ.ബാബുരാജ്, കൗമുദി ടി.വി ഡെപ്യൂട്ടി എഡിറ്റർ ലിയോ രാധാകൃഷ്ണൻ, കേരളകൗമുദി ജനറൽ മാനേജർ ഷിറാസ് ജലാൽ, സീനിയർ മാർക്കറ്റിംഗ് മാനേജർ പി.ബി ശ്രീജിത്ത്, ജനറൽ മാനേജർ എ.ജി.അയ്യപ്പദാസ് എന്നിവർ സമീപം

വിജയദശമി ദിനത്തിൽ കോട്ടയം പനച്ചിക്കാട് ദക്ഷിണ മൂകാംബി ക്ഷേത്രത്തിൽ നടന്ന വിദ്യാരംഭ ചടങ്ങിൽ ‌ ആചാര്യൻ ആദ്യാക്ഷരം എഴുതിക്കുമ്പോൾ അമ്മയെ പിടിച്ച് കരയുന്ന കുട്ടി

വിജയദശമി ദിനത്തിൽ കോട്ടയം പനച്ചിക്കാട് ദക്ഷിണ മൂകാംബി ക്ഷേത്രത്തിൽ വിദ്യാരംഭ ചടങ്ങിനെത്തിയ കുരുന്ന് അവന്തിക കൃഷ്ണ മാമനൊപ്പം ആദ്യാക്ഷരം കുറിക്കുന്നു. കുട്ടിയുടെ അമ്മാവനായ തിരുവനന്തപുരം സ്വദേശിയായ എസ്.സുജിൻ കോട്ടയം അഗ്നി രക്ഷാസേനാ വിഭാഗത്തിൽ ഓഫീസറാണ്

ജീവിത സായാഹ്നത്തിൽ ഒരു 'കുട്ടിക്കളി'... കാലം കടന്നുപോയി,​ പ്രായവും. എങ്കിലും കുട്ടിക്കാലത്തെ ഓർമ്മകൾ തിരികെ പിടിക്കുകയാണ് ഇവർ. വാത്തുരുത്തി കോളനിക്ക് സമീപത്തെ റെയിൽവേ ട്രാക്കിനരികിൽ ഇരുന്ന് നിര കളിക്കുന്നവർ