കൊല്ലം കോർപറേഷന്റെ വാർഷിക പദ്ധതിയിൽ ഉൾപ്പെടുത്തി ഭിന്ന ശേഷി കാർക്ക് ട്രൈസ് സ്കൂട്ടർ വിതരണത്തിന്റെ ഉദ്‌ഘാടനം മന്ത്രി കെ.എൻ.ബാലഗോപാൽ നിർവഹിക്കുന്നു. മേയർ ഹണി ബെഞ്ചമിൻ തുടങ്ങിയവർ സമീപം

ആറങ്ങോട്ടുകുളമ്പ് വേനോലി മേഖലയിൽ കഴിഞ്ഞ ദിവസങ്ങളിലായി കൃഷിയും മറ്റ് നാശനഷ്ടങ്ങൾ വരുത്തിയ ചുരുള്ളി കൊമ്പൻ പി.ടി. അഞ്ച് എന്ന പേരിൽ അറിയപ്പെടുന്ന കാട്ടാനയെ വാളയാർ റെയ്ഞ്ച് മേഖലയിൽ നിന്നുള്ള വനം വകുപ്പ് ഉദ്യോഗസ്ഥർ ഊരോലി കാട്ടിൽ നിന്ന് തുരത്തിയതിനെ തുടർന്ന് പുറത്തേക്ക് ഇറങ്ങിയ കാട്ടാന. റെയിൽവേ പാളം മുറിച്ച്കടക്കാതെ ഉൾക്കാട്ടിലേക്ക് തന്നെ കാട്ടാന കയറി.

എറണാകുളം ടി.ഡി.എം ഹാളിൽ ശതാബ്ദി ആഘോഷങ്ങളുടെ ഭാഗമായി നടക്കുന്ന കഥകളി ഉത്സവത്തിൽ നിന്ന്.

പൊങ്ങുന്ന വെള്ളത്തിൽ...തോരാതെ പെയ്ത മഴ ഇടയ്ക്കൊന്നു ശമിച്ചെങ്കിലും വീണ്ടും ശക്തമായി മഴ പെയ്തു തുടങ്ങിയതോടെ പുഴയിൽ വലവീശി മീൻ പിടിക്കുന്നവർ. എലിപ്പുലിക്കാട്ട് പാലത്തിൽ നിന്നുള്ള കാഴ്ച.

വിജയം തൊട്ട്... കോട്ടയം ബേക്കർ മെമ്മോറിയൽ ഹൈസ്കൂളിൽ നടന്ന 18 വയസ്സിൽ താഴെയുള്ളവരുടെ ജില്ലാതല കബഡി മത്സരത്തിൽ പെൺകുട്ടികളുടെ സെമി ഫൈനലിൽ ചങ്ങനാശ്ശേരി ദീപം അക്കാഡമിക്കെതിരെ പോയിന്റ് നേടുന്ന ബേക്കർ സ്കൂൾ ടീം താരം. ബേക്കർ സ്കൂൾ വിജയിച്ചു.

തിര തേടി...സംസ്ഥാനത്ത് ട്രോളിഗ് നിരോധനമേർപ്പെടുത്തിയ സാഹചര്യത്തിൽ മത്സ്യബന്ധന ബോട്ടുകൾ തീരത്തടുപ്പിച്ചപ്പോൾ പിക്ക് അപ്പ് വാനിൽ കയറ്റി നഗരത്തിലൂടെ കൊണ്ടുപോകുന്ന ബോട്ട്. കോട്ടയം തിരുനക്കരയിൽ നിന്നുള്ള കാഴ്ച.

ശുനക ശയനം...കോട്ടയം കെ.എസ്.ആർ.ടി.സി ബസ്റ്റാൻഡിൽ നിർത്തിയിട്ടിരിക്കുന്ന ബസ്സിനടിയിൽ കിടന്നുറങ്ങുന്ന തെരുവുനായ്ക്കൾ

പ്ലസ് വൺ ക്ലാസുകൾ ഇന്നലെ ആരംഭിച്ചപ്പോൾ വിദ്യാർത്ഥികളെ മെഴുകുതിരി കത്തിച്ച് നൽകി അദ്ധ്യാപകർ സ്വീകരിച്ചപ്പോൾ. കോട്ടയം ഗവ.മോഡൽ ഹയർ സെക്കൻഡറി സ്കൂളിലെ കാഴ്ച