നീറ്റായി... യു.ജി.സി നീറ്റ് പരീക്ഷ റദ്ദ് ചെയ്ത എൻ.ടി.എ നടപടിയിൽ പ്രതിഷേധിച്ച് എസ്.എഫ്.ഐ യുടെ നേതൃത്വത്തിൽ ആലപ്പുഴ ഹെഡ് പോസ്റ്റോഫീസിലേക്ക് നടന്ന മാർച്ച് തടയുവാനായി സ്ഥാപിച്ച ബാരിക്കേഡ് ചാടിക്കടക്കുന്ന പ്രവർത്തകർ

ആലപ്പുഴ ചുങ്കം കരുവേലി പാടശേഖരത്ത് രണ്ടാം കൃഷിക്കായുള്ള മുന്നൊരുക്കമായി വിളകൾ മരുന്നടിച്ചു നീക്കുവാനെത്തിയ കർഷകൻ സമീപത്തെ റോഡിൽ കാഴ്ച മറച്ച് ഇരുവശവും വളർന്ന് പൊങ്ങിയ പാഴ്ചെടികളും കാടും നീക്കം ചെയ്യുവാൻ പാടത്തുപയോഗിക്കുവാൻ കൊണ്ടുവന്ന മരുന്ന് തളിക്കുന്നു.

അതിജീവനവും ഉപജീവനവും... വേമ്പനാട്ട് കായലിൽ സഞ്ചാരികൾ ഉപേക്ഷിച്ച പ്ലാസ്റ്റിക് കുപ്പികൾ പെറുക്കി വള്ളത്തിലെത്തിൽ നിറച്ചെത്തിയ തൊഴിലാളി ആക്രിക്കടയിൽ കൊടുക്കുവാനായി സമീപത്തെ കടവിൽ അടുപ്പിച്ച് ചാക്കിലേക്ക് നിറക്കുന്നു. 20 വർഷമായി കായലിലെ പ്ലാസ്റ്റിക് മാലിന്യങ്ങൾ പെറുക്കി ഉപജീവനം നടത്തുന്ന ആലപ്പുഴ പള്ളാത്തുരുത്ത് സ്വദേശി ശശി ഇന്നും 50 രൂപ വാടകക്ക് വെള്ളമെടുത്തുപോയാണ് ഇത്തരത്തിൽ കായലിന് അതിജീവനും കുടുംബത്തിന് ഉപജീവനവും കണ്ടെത്തുന്നത്.

പ്ലസ് വൺ മുഴുവൻ അപേക്ഷകർക്കു സീറ്റ് നൽകുക എന്ന ആവശ്യം ഉന്നയിച്ച് മലപ്പുറത്ത് ആർ.ഡി.ഡി ഓഫീസ് രണ്ടാം ദിവസവും ഉപരോധിച്ച എം എസ് എഫ് പ്രവർത്തകരെ പോലീസ് അറസ്റ്റുചെയ്ത് കൊണ്ടുപോകുന്നു

അന്താരാഷ്ട്ര യോഗദിനാചരണത്തിന്റെ ഭാഗമായി കണ്ണൂർ കലക്ടറേറ്റിൽ നടന്ന പ്രദർശനം

പൂവിനെ തേടി... കർണാടക ഗുണ്ടൽപേട്ടിലെ സൂര്യകാന്തി പൂപാടത്തിൽ നിന്നുള്ള കാഴ്ച്ച.

കോഴിക്കോട് വി.കെ കൃഷ്ണമേനോൻ ഇൻഡോർ സ്റ്റേഡിയത്തിൽ ആരംഭിച്ച ജില്ലാ വുഷു ജൂനിയർ ചാമ്പ്യൻഷിപ്പ് മത്സരത്തിൽ നിന്ന്.

എൻ.ജി.ഒ യൂണിയൻ സംസ്ഥാന സമ്മേളനത്തിന് തുടക്കം കുറിച്ച് കോഴിക്കോട് കടപ്പുറത്ത് സ്വാഗതസംഘം ചെയർപേഴ്‌സൺ ബീന ഫിലിപ്പ് പതാക ഉയർത്തുന്നു