ഓണം പൊന്നോണം ... ഇന്ന് തിരുവോണം കള്ളവും ചതിയുമില്ലാത്ത ഒരു നല്ല നാടിന്റെ ഓർമ്മക്കായ് ലോകമെമ്പാടുമുള്ള മലയാളികൾ ഇന്ന് ഓണമാഘോഷിക്കുന്നു

ഉത്രാട പാച്ചലിൽ തിരുവോണ പൂക്കളത്തിൽ വക്കാനുള്ള തൃക്കാ കരയപ്പൻ വാങ്ങി തൻ്റെ  ഇലട്രിക് വീൽചെയറിൽ  വീട്ടിലേക്ക് പോകുന്ന തൃശൂർ പുതൂർക്കരയിലെ ശങ്കരനാരയണൻ

ഓണാഘോഷത്തിൻ്റെ ഭാഗമായി തൃശൂർ തേക്കേഗോപുര നടയിൽ സമർപ്പണ രാമയണ ഫെസ്റ്റിൻ്റെ ആഭിമുഖ്യത്തിൽ തീർത്ത 25 അടി പൊക്കമുള്ള ഭീമൻ തൃക്കാകരയപ്പൻ

മഴപ്പയറ്റ്... കോട്ടയം ജില്ലാ ഭരണകൂടവും ടൂറിസം പ്രൊമോഷൻ കൗൺസിലും നഗരസഭയും സംയുക്തമായി സംഘടിപ്പിക്കുന്ന ജില്ലാതല ഓണാഘോഷത്തോടനുബന്ധിച്ച് നടന്ന സാംസ്കാരികാഘോഷയാത്ര ആരംഭിച്ചപ്പോൾ. മഴ നനഞ്ഞ് പ്രദർശന കളരിപ്പയറ്റ് നടത്തുന്നവർ.

ചാറ്റൽ മഴയിൽ.... കോട്ടയം ജില്ലാ ഭരണകൂടവും ടൂറിസം പ്രൊമോഷൻ കൗൺസിലും നഗരസഭയും സംയുക്തമായി സംഘടിപ്പിക്കുന്ന ജില്ലാതല ഓണാഘോഷത്തോടനുബന്ധിച്ചു നടന്ന സാംസ്കാരികാഘോഷയാത്രയിൽ ചാറ്റൽമഴ നനഞ്ഞ് പങ്കെടുക്കുന്ന നിയമസഭാ സ്പീക്കർ തിരുവഞ്ചൂർ രാധാകൃഷ്ണൻ,നാട്ടകം സുരേഷ് എം.എൽ.എ, ജില്ലാ കളക്ടർ ചേതൻ കുമാർ മീണ തുടങ്ങിയവർ.ഘോഷയാത്ര തുടങ്ങി ചാറ്റൽ മഴ കൂടിയപ്പോൾ കുട കൊടുത്തെങ്കിലും സ്പീക്കർ ഉപയോഗിക്കാതെ തിരുനക്കര മൈതാനംവരെ നടക്കുകയാരുന്നു

കോട്ടയം ജില്ലാ ഭരണകൂടവും ടൂറിസം പ്രൊമോഷൻ കൗൺസിലും നഗരസഭയും സംയുക്തമായി സംഘടിപ്പിക്കുന്ന ജില്ലാതല ഓണാഘോഷത്തോടനുബന്ധിച്ച് നടന്ന സാംസ്കാരികാഘോഷയാത്രയിൽ പങ്കെടുക്കാനെത്തിയ മാവേലിയെ കരാട്ടെ അവതരിപ്പിക്കാൻ വന്ന കുട്ടി കൗതുകത്തോടെ നോക്കുന്നു

ഓണത്തിന് മങ്ങലേൽപ്പിച്ച് മഴ വന്നെത്തി. ഇന്നലെ പെയ്ത കനത്ത മഴയിൽ എറണാകുളം ഡർബാർ ഹാളിലെ കൊച്ചി ഓണം മെഖാ ട്രേഡ് ഫെയർ സ്റ്റാളിൽ നിന്ന് ഇറങ്ങി വരുന്നവർ

അത്തപൂക്കളത്തിൽ വയ്ക്കുവാനുള്ള ഓണത്തപ്പനെ വിൽക്കാൻ കനത്ത മഴയിലും വഴിയോരത്ത് കാത്ത് നിൽക്കുന്ന കച്ചവടക്കാരൻ. എറണാകുളം ഡർബാർ ഹാൾ ഗ്രൗണ്ടിന് സമീപത്ത് നിന്നുള്ള കാഴ്ച