ജില്ലയിൽ എല്ലായിടത്തും മത്സരിക്കും:പി.ഡി.പി

തലയോലപ്പറമ്പ്: വരുന്ന പഞ്ചായത്ത് തിരഞ്ഞെടുപ്പിൽ ജില്ലയിൽ എല്ലാ ഇടങ്ങളിലും മത്സരിക്കുമെന്ന് പി.ഡി.പി സംസ്ഥാന വൈസ് ചെയർമാൻ മാഹിൻ ബാദുഷാ മൗലവി പറഞ്ഞു. ത്രിതലപഞ്ചായത്ത് തെരഞ്ഞെടുപ്പിന് മുന്നോടിയായി മുന്നൊരുക്കം 2025 എന്ന പരിപാടി കോട്ടയം ജില്ലാ കമ്മ​റ്റിയുടെ നേതൃത്വത്തിൽ തലയോലപ്പറമ്പിൽ ഉദ്ഘാടനം ചെയ്യുകയായിരുന്നു അദ്ദേഹം. ജില്ലാ പ്രസിഡൻന്റ് നിഷാദ് നടയ്ക്കൽ അധ്യക്ഷത വഹിച്ചു. പി ഡി പി സംസ്ഥാന സംഘടന ജനറൽ സെക്രട്ടറി വി.എം.അലിയാർ മുഖ്യ പ്രഭാഷണം നടത്തി. പാർട്ടി കേന്ദ്ര കമ്മ​റ്റി അംഗം എം.എസ്.നൗഷാദ്, ഹാജി.എം.എ, അക്ബർ, ഒ. എ.സക്കരിയ,സക്കീർ കളത്തിൽ, പി.കെ.അൻസിം, അൻസർഷാ കുമ്മനം തുടങ്ങിയവർ പ്രസംഗിച്ചു.