എനിക്ക് സ്ഥാനമാനങ്ങൾ ആദ്യം കിട്ടിയത്
കോൺഗ്രസിലല്ല: പി.സി. ചാക്കോ
എൽ.ഡി.എഫ് സർക്കാരിനെതിരെ ജനവികാരമില്ലെന്നും വീണ്ടും അധികാരത്തിൽ വരുമെന്നും കോൺഗ്രസ് വിട്ട് എൻ.സി.പിയിൽ ചേർന്ന പി.സി. ചാക്കോ കേരളകൗമുദിയോട് പറഞ്ഞു.14 ജില്ലകളിലെ 65 മണ്ഡലങ്ങളിൽ താൻ എൽ.ഡി.എഫിനുവേണ്ടി പ്രസംഗിച്ചു. കാര്യങ്ങൾ തീർത്തും സർക്കാരിന് അനുകൂലമാണ്. പ്രിയങ്ക പ്രചാരണം നടത്തിയിട്ട് ബി.ജെ.പിക്കെതിരെ ആഞ്ഞടിക്കാത്തത് രാഷ്ട്രീയ പാപ്പരത്തമാണ്. മറ്റ് സംസ്ഥാനങ്ങളിൽ എൽ.ഡി.എഫുമായി ചേർന്ന് ബി.ജെ.പിയെ എതിർത്തിട്ട് ഇവിടെ വന്ന് എൽ.ഡി.എഫിനെ കുറ്റപ്പെടുത്തുന്നു. സോണിയ, രാഹുൽ, പ്രിയങ്ക എന്നിവർക്കല്ലാതെ കോൺഗ്രസിൽ ആർക്കും പ്രസക്തിയില്ലാതായി. യു.പിയിൽ കോൺഗ്രസിന്റെ ചുമതല കൊടുത്തിട്ട് പ്രിയങ്കയ്ക്ക് ഒരു സീറ്റ് പോലും നേടാനായില്ല. കോൺഗ്രസിനെ വിജയിപ്പിക്കാൻ കഴിയുന്ന ഇമേജ് മൂന്ന് പേർക്കുമില്ല.
April 04, 2021