വിടപറയാതെ: 3
ലക്ഷ്മി പകൽ മുഴുവൻ വിവാഹശേഷമുള്ള തന്റെ നാൽപ്പതോളം വർഷത്തെ കണക്കെടുപ്പ് നടത്തിക്കൊണ്ടിരുന്നു. മധുവിധു ഒരു സ്വപ്നം പോലെയായിരുന്നു. കോളജ് കാമ്പസിന്റെ വിസ്തൃതിയിൽ നിന്നും നഗരത്തിലെ ചെറിയ മുറികളോട് കൂടിയ, മുറ്റം തീരെ ഇല്ലാത്ത വീട്ടിലേക്ക് ഭർത്താവിനോടൊപ്പം താമസം മാറുമ്പോഴേക്കും തങ്ങളുടെ മാത്രം ഒരു ലോകം എന്ന യാഥാർഥ്യത്തിലേക്ക് മനസ് പാകപ്പെട്ടിരുന്നു. ഇരുവരുടെയും വീടുകൾ ഗ്രാമങ്ങളിലാണ്. അത്ര ദൂരെയൊന്നും അല്ല താനും. നഗരത്തിന്റെ എതിർദിശകളിലുമായി മുപ്പത്, മുപ്പത്തിയഞ്ചു മൈലുകൾ. ഒരു മണിക്കൂർ യാത്ര. അത്രയേ വേണ്ടൂ.
July 24, 2021