രാജഗിരി കോൺക്ലേവ്

കാക്കനാട്: രാജഗിരി കോളേജ് ഒഫ് സോഷ്യൽ സയൻസസും (ഓട്ടോണമസ്) രാജഗിരി ബിസിനസ് സ്‌കൂളും സംയുക്തമായി സംഘടിപ്പിക്കുന്ന രാജഗിരി കോൺക്ലേവ് -2025ന് കാക്കനാട് കോളേജ് ക്യാമ്പസിൽ തുടക്കമായി. കോൺഫ്‌ളുവൻസ് 2.0യുടെ ഭാഗമായി സംഘടിപ്പിക്കുന്ന കോൺക്ലേവ് കെ.എസ്.ഐ.ഡി.സി ചെയർമാൻ ബാലഗോപാൽ ചന്ദ്രശേഖർ ഉദ്ഘാടനം ചെയ്തു. 'നൗ ടു നെക്സ്റ്റ് ' എന്നതാണ് കോൺക്ലേവിന്റെ പ്രമേയം. ആർ.സി.എസ്.എസ് പ്രിൻസിപ്പൽ ഫാ. സാജു എം.ഡി. സി.എം.ഐ അദ്ധ്യക്ഷത വഹിച്ചു. ഫാ. ഫ്രാൻസിസ് സെബാസ്റ്റ്യൻ, ഡോ. കിഷോർ ഗോപാലകൃഷ്ണ പിള്ള, ഡോ. ബിനോയ് ജോസഫ്, പ്രൊഫ. ഹരീഷ് ബി എന്നിവർ സംസാരിച്ചു.