തനിയെ പാവകളെത്തുന്ന ദ്വീപിലെ ആ വലിയ രഹസ്യം എന്താണ് ?​

Tuesday 05 February 2019 1:00 PM IST

doll-

ഒട്ടേറെ പ്രത്യേകതകളുള്ള ഒട്ടനവധി ദ്വീപുകളുണ്ട് ലോകത്ത്. എന്നാൽ, തനിയെ പാവകളെത്തുന്ന, അപകടകരമായ നിഗൂഡതകൾ ഒളിപ്പിച്ച മെക്സിക്കോയിലെ മ്യൂനെക്കാസ് ദ്വീപിന്റെ രഹസ്യത്തിന്റെ ചുരുളുകൾ ഇനിയും അഴിയാൻ ബാക്കിയാണ്.

ആൾതാമസമില്ലാത്ത ഈ ദ്വീപ് സാന്താ ബാറേര എന്നയാളുടെ സ്വന്തമാണ്. വർഷങ്ങൾക്ക് മുമ്പ് ഇവിടെ ഒരു പെൺകുട്ടി മുങ്ങിമരിച്ചിരുന്നു. ആ കുട്ടിയുടെ മൃതദേഹത്തിനോട് ചേർന്ന് ഒരു പാവയുമുണ്ടായിരുന്നു. ആ പെൺകുട്ടിയുടെ ഓർമ്മയ്ക്കായി ബാറേര ആ പാവയെ ഒരു മരത്തിൽ തൂക്കിയിട്ടു. ഇതിന് ശേഷം ഇവിടെ ദുരൂഹതകളുടെ പ്രളയം തന്നെയായിരുന്നെന്ന് പറയപ്പെടുന്നു. ആ ദ്വീപിലേക്ക് പല തരത്തിലുള്ള പാവകളും തനിയെ ഒഴുകി വന്നു ചേരാൻ തുടങ്ങി. ബാറേര ഈ പാവകളെയെല്ലാം ദ്വീപിലെ മരങ്ങളിൽ തൂക്കിയിട്ടു. നിഗൂഡതകൾ അവിടെയും തീർന്നില്ല. 2001-ൽ ദ്വീപ് ഉടമ ബാറേരയുടെ മൃതദേഹം പെൺകുട്ടി മരിച്ചുകിടന്ന അതേ സ്ഥലത്ത് കണ്ടെത്തി. ഇന്ന് മെക്സിക്കോയിലെത്തുന്ന സഞ്ചാരികളുടെ പ്രധാന കേന്ദ്രമാണ് ഈ ദ്വീപ്.

ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
POPULAR IN LIFESTYLE
LATEST VIDEOS
YOU MAY LIKE IN LIFESTYLE