സി.പി.എമ്മിൽ ശബരിമല സ്ത്രീപ്രവേശനത്തെ അനുകൂലിക്കുന്നത്  പിണറായി വിജയൻ മാത്രമാണെന്ന് സക്കറിയ

Monday 11 February 2019 11:28 AM IST
pinarayi-vijayan

കൊച്ചി : ശബരിമല സ്ത്രീപ്രവേശനത്തിൽ കോടതിയിലെ നിലപാട് മാറ്റം കോൺഗ്രസിനെ പോലും നാണിപ്പിക്കുന്നതാണെന്ന് എഴുത്തുകാരൻ സക്കറിയ. എഴുത്തും നവോത്ഥാനവും എന്ന വിഷയത്തിൽ കൊച്ചിയിൽ നടക്കുന്ന കൃതി വിജ്ഞാനോത്സവത്തിൽ സംസാരിക്കവേയാണ് അദ്ദേഹം ഈ വിഷയത്തിൽ അഭിപ്രായം പറഞ്ഞത്. സി.പി.എമ്മിൽ മുഖ്യമന്ത്രിയ്ക്കല്ലാതെ വേറെ ആർക്കും സ്ത്രീപ്രവേശനത്തെ അനുകൂലിക്കുന്ന നിലപാടില്ലെന്നാണ് താൻ മനസിലാക്കുന്നതെന്ന് അദ്ദേഹം പറഞ്ഞു.

ഈ വിഷയത്തിൽ കേരളത്തിൽ സി.പി.എമ്മിനും കോൺഗ്രസിനെയും പോലുള്ള കക്ഷികൾക്ക് അപചയമുണ്ടായെന്നും അദ്ദേഹം വിലയിരുത്തി. അതേസമയം സുപ്രീം കോടതിയുടെ വിധിയ്‌ക്കെതിരെ തെരുവിലിറങ്ങി സ്ത്രീകളുൾപ്പെടെ പ്രതിഷേധിച്ചത് ബി.ജെ.പിയെ പോലുള്ള പാർട്ടികളുടെ മുന്നേറ്റമായി കാണുന്നില്ലെന്നും അദ്ദേഹം അഭിപ്രായപ്പെട്ടു.

ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
POPULAR IN KERALA
LATEST VIDEOS
YOU MAY LIKE IN KERALA