മല ചവിട്ടിയ യുവതികൾക്ക് സുരക്ഷ ഒരുക്കിയ പൊലീസുകാരനെ ഭീഷണിപ്പെടുത്തി, യുവാവ് അറസ്റ്റിൽ

Saturday 12 January 2019 2:24 PM IST
sabarimala-

മട്ടന്നൂർ: ശബരിമലയിൽ യുവതികൾക്ക് സുരക്ഷ ഒരുക്കിയ സംഘത്തിലുണ്ടായിരുന്ന മട്ടന്നൂർ സ്വദേശിയായ പൊലീസുകാരനെ ഭീഷണി പെടുത്തിയതിന് ഒരാൾ അറസ്റ്റിൽ. മട്ടന്നൂർ പരിയാരത്തെ അജിത്ത് കുമാറാണ് ( 29 ) അറസ്റ്റിലായത്.

ഫേസ് ബുക്കിലൂടെ പൊലീസുകാരനെതിരെ ഭീഷണി ഉയർത്തിയ കേസിലാണ് പിടിയിലായത്. ഇതിൽ 12 പേർക്കെതിരെ പൊലിസ് കേസെടുത്തിരുന്നു. ഫേസ്ബുക്ക് , വാട്സാപ്പ് എന്നിവയിലൂടെ പൊലീസുകാരനെ മോശമായ രീതിയിൽ പ്രചരണം നടത്തിയതിനാണ് കേസ്. പൊലീസുകാരന്റെ പരാതിയിൽ മട്ടന്നൂർ പൊലീസ് അന്വേഷണം ഊർജിതമാക്കി. പ്രതികളിൽ എതാനും പേരെ തിരിച്ചറിഞ്ഞതായി പൊലീസ് പറഞ്ഞു.

ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
POPULAR IN KERALA
LATEST VIDEOS
YOU MAY LIKE IN KERALA