ആർ.ജെ.ഡി നേതാവ് വെടിയേറ്റു മരിച്ചു,​ പ്രവർത്തകർ 13കാരനെ തല്ലിക്കൊന്നു

Wednesday 02 January 2019 7:42 PM IST
rjd-

പാട്ന: ആർ.ജെ.ഡി. നേതാവ് വെടിയേറ്റു മരിച്ചതിന് പിന്നാലെ പ്രവർത്തകർ പതിമൂന്ന് വയസുകാരനെ തല്ലിക്കൊന്നു. ബീഹാറിലെ നളന്ദയിലാണ് സംഭവം. ആർ.ജെ.ഡി നേതാവിനെ കൊലപ്പെടുത്തിയ സംഭവത്തിൽ പങ്കുള്ളതായി സംശയിക്കുന്നയാളുടെ ബന്ധുവായ 13കാരനെയാണ് ആർ.ജെ.ഡി പ്രവർത്തകർ തല്ലിക്കൊന്നത്.

ആർ.ജെ.ഡി. പ്രാദേശിക നേതാവായ ഇന്ദൽ പാസ്വാനെ ഇന്ന് രാവിലെയാണ് വെടിയേറ്റ് മരിച്ചനിലയിൽ കണ്ടെത്തിയത്. കഴിഞ്ഞദിവസം രാത്രി മാഗ്ദസാരൈയിൽ നിന്ന് ബൈക്കിൽ വീട്ടിലേക്ക് പോകുന്നതിനിടെയാണ് ഇന്ദൽ പാസ്വാന് വെടിയേറ്റത്.

ഇതിനിടെ കൊലപാതകവാർത്തയറിഞ്ഞ് പാർട്ടി പ്രവർത്തകരും അദ്ദേഹത്തിന്റെ അനുയായികളും സംഘടിച്ചു. നേതാവിനെ കൊലപ്പെടുത്തിയവരെന്ന് സംശയിക്കുന്നവരുടെ വീടുകൾ അഗ്‌നിക്കിരയാക്കി. ഇതിനിടെയാണ് 13കാരനെ ക്രൂരമായി മർദിച്ച് കൊലപ്പെടുത്തിയത്.

ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
POPULAR IN INDIA
LATEST VIDEOS
YOU MAY LIKE IN INDIA