ആഘോഷ പാർട്ടിക്കിടെ അച്ഛൻ എട്ട് വയസുകാരന് നേരെ വെടിയുതിർത്തു

Sunday 06 January 2019 9:41 AM IST
new-delhi

ന്യൂഡൽഹി: ആഘോഷ പാർട്ടിക്കിടെ അച്ഛൻ എട്ട് വയസുകാരനായ മകന് നേരെ വെടിയുതിർത്തു. ഡൽ​ഹിയിലെ ഉസ്മാൻപൂരിൽ നടന്ന ആഘോഷ പാർട്ടിക്കിടെയാണ് സംഭവം. ഒരു ഫാം ഹൗസിൽ വച്ച് നടന്ന പാർട്ടിക്കിടെ ആകാശത്തേക്ക് വെടിയുതിർക്കുകയായിരുന്നു ഇയാൾ പക്ഷേ വെടിയേറ്റത് കുട്ടിക്കായിരുന്നു. കുട്ടിയുടെ കവിളിലായിരുന്നു വെടിയേറ്റത്. ഉടൻ തന്നെ ആശുപത്രിയിൽ എത്തിച്ചങ്കിലും കുട്ടി മരിച്ചിരുന്നതായി ​- പൊലീസ് പറഞ്ഞു.

അന്വേഷണത്തിൽ കുട്ടിയുടെ അച്ഛൻ തന്നെയാണ് വെടിയുതിർത്തതെന്ന് വ്യക്തമായി. തുടർന്നുള്ള ചോദ്യം ചെയ്യലിൽ ഉത്തർപ്രദേശിലെ ഒരു വ്യക്തിയിൽ നിന്നാണ് തോക്ക് ലഭിച്ചതെന്ന് ഇയാൾ പൊലീസിനോട് പറ‍ഞ്ഞു. ആകാശത്തേക്ക് വെടുവെക്കുകയായിരുന്നു ഇയാൾ,​ പക്ഷേ നിർഭാഗ്യവശാൽ ലക്ഷ്യം തെറ്റി അത് കുട്ടിക്ക് ഏൽക്കുകയായിരുന്നെന്ന് പൊലീസ് വ്യക്തമാക്കി. അടുത്തിടെ പുതുവത്സരാഘോഷത്തിനിടെ സമാനമായ രീതിയിൽ ഒരു സ്ത്രീയും വെടിയേറ്റ് മരിച്ചിരുന്നു.

ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
POPULAR IN INDIA
LATEST VIDEOS
YOU MAY LIKE IN INDIA