23 വർഷത്തിന് ശേഷം ലാഭവിഹിതം പ്രഖ്യാപിച്ച് ടി.സി.സി

Saturday 12 January 2019 6:39 AM IST
tcc

കളമശേരി: സംസ്ഥാന പൊതുമേഖല സ്ഥാപനമായ ഏലൂരിലെ ട്രാവൻകൂർ കൊച്ചിൻ കെമിക്കൽസ് (ടി.സി.സി) 23 വർഷത്തിനിടെ ആദ്യമായി ലാഭവിഹിതം കൈമാറി. തിരുവനന്തപുരത്ത് നടന്ന ചടങ്ങിൽ 84,55,950 രൂപയുടെ ചെക്ക് മാനേജിംഗ് ഡയറക്‌ടർ കെ. ഹരികുമാർ മുഖ്യമന്ത്രി പിണറായി വിജയന് കൈമാറി.

1994 95ലാണ് ഇതിനുമുമ്പ് കമ്പനി ലാഭവിഹിതം നൽകിയത്. 2015-16ൽ കനത്ത നഷ്‌ടത്തെ തുടർന്ന് ആസ്‌തി പൂർണമായും ഇല്ലാതായ നിലയിൽ നിന്നാണ് ഇപ്പോൾ കമ്പനി ലാഭത്തിന്റെ ട്രാക്കിലേറിയത്. 2016-17ൽ ചരിത്രത്തിലെ മികച്ച ഉത്പാദനമായ 106 ശതമാനം ആർജിക്കുകയും 6.21 കോടി രൂപ ലാഭം നേടുകയും ചെയ്‌തു. 2017-18ൽ 35.04 കോടി രൂപയാണ് ലാഭം. വിറ്രുവരവ് 243.10 കോടി രൂപയിലുമെത്തി.

ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
POPULAR IN BUSINESS
LATEST VIDEOS
YOU MAY LIKE IN BUSINESS