ഇൻഫോസിസിന്റെ ലാഭം 29.6 ശതമാനം ഇടിഞ്ഞു

Saturday 12 January 2019 5:31 AM IST
infosys

 ₹8,260 കോടിയുടെ ഓഹരികൾ തിരികെ വാങ്ങാൻ തീരുമാനം

ബംഗളൂരു: ഇന്ത്യയിലെ രണ്ടാമത്തെ വലിയ ഐ.ടി കമ്പനിയായ ഇൻഫോസിസ് നടപ്പു സാമ്പത്തിക വർഷത്തെ മൂന്നാംപാദത്തിൽ (ഒക്‌ടോബർ-ഡിസംബർ) 29.6 ശതമാനം ഇടിവോടെ 3,609 കോടി രൂപയുടെ ലാഭം രേഖപ്പെടുത്തി. 2017ലെ സമാനപാദത്തിൽ കമ്പനി 5,129 കോടി രൂപയുടെ ലാഭം നേടിയിരുന്നു. തൊട്ടുമുമ്പത്തെ പാദത്തെ അപേക്ഷിച്ച് ലാഭത്തിലുണ്ടായ ഇടിവ് 12.18 ശതമാനമാണ്.

ഓഹരി ഉടമകൾക്ക് ഓഹരിയൊന്നിന് നാലുരൂപ വീതം ലാഭവിഹിതവും ഇൻഫോസിസ് പ്രഖ്യാപിച്ചു. ഈ മാസം 25ന് റെക്കാഡ് ചെയ്‌ത് 28ന് ലാഭവിഹിതം കൈമാറും. ഓഹരിയൊന്നിന് പരമാവധി 800 രൂപവച്ച്, മൊത്തം 8,260 കോടി രൂപയുടെ ഓഹരികൾ തിരികെ വാങ്ങാനും (ബൈബാക്ക്) ഇൻഫോസിസ് തീരുമാനിച്ചു. 10.32 കോടി ഓഹരികളാണ് തിരികെ വാങ്ങുക. കമ്പനിയുടെ മൊത്തം ഓഹരിയുടെ 2.36 ശതമാനമാണിത്.

കഴിഞ്ഞപാദത്തിൽ വരുമാനം 3.8 ശതമാനം ഉയർന്ന് 21,400 കോടി രൂപയിലെത്തി. നടപ്പുവർഷം ജൂലായ്-സെപ്‌തംബറിൽ വരുമാനം 20,609 കോടി രൂപയായിരുന്നു. വാർഷികാടിസ്ഥാനത്തിൽ വരുമാനത്തിലെ വർദ്ധന 20.3 ശതമാനമാണ്.

ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
POPULAR IN BUSINESS
LATEST VIDEOS
YOU MAY LIKE IN BUSINESS